SPORTS & ENTERTAINMENT

 

 

Historia ya Msanii Bruce Lee

enter-the-dragon-5.jpg

Novemba 27, 1940 alizaliwa mtaalamu wa sanaa za mapigo ya kung fu zenye asili ya China. Huyu sio mwingine ni Bruce Lee. Jina lake halisi ni Bruce Jan Fan Lee.

Alifariki dunia Julai 20, 1973 kutokana na kuugua ugonjwa wa uvimbe kwenye ubongo.

Bruce Lee alifariki dunia akiwa na miaka 32 Kowloon Tong, Hong Kong na alizikwa katika makaburi Lakeview, Ohio Cleveland nchini Marekani Julai 31, 1973, ambako wasanii mbalimbali walihudhuria akiwamo Taky Kimura, Steve McQueen, James Coburn, Chuck Norris, George Lazenby, Dan Inosanto, Peter Chin na kaka yake Robert.

Miongoni mwa sinema zilizompatia umaarufu mkubwa duniani ni ‘Enter the Dragon’ Bruce Lee anaelezwa kuwa 'fit' kuliko mwanaume yeyote.

Katika ardhi ya China inasadikika kulikua na siku maalumu ya kuazimisha siku yake. Kwa hiyo wakati Lee anazaliwa November 27 1940 ilikuwa ni mwaka wa kuazimisha siku ya Dragon kwa mujibu wa kalenda ya kichina.

Pamoja na kuzaliwa hosipitali ya China town jijini San Fransisco marekani baba yake Lee Hoi-Chuen alikuwa ni mchina asilia japo mama yake Grace alikuwa mchina anayeamini madhehebu ya Roman katoliki kutokana na mzazi mmoja kuwa Mjerumani.

Kurudi kwao Hong Kong kukazua utata kuhusu uraia wake halali, kwa sheria za Marekani wakati  huo kwa kuwa alizaliwa nchini humo, moja kwa moja alikuwa Mmarekani lakini pia Wachina walidai kuwa raia wao na Hong Kong pia.

Baba yake Bruce Lee alikuwa miongoni mwa watu waliofanya kazi za sanaa kama kuimba wakisafiri kati ya China na mji wa Canton uliokuwa Hong Kong na pia alikuwa  ni mcheza filamu, hivyo  ukamfanya awe akisafiri mara kwa mara.

Bruce Lee alikuwa na watoto wawili, wakiume na wa kike. Wa kiume aliitwa Brandon Lee aliyezaliwa 1965 na kufariki dunia mwaka 1993 kufuatia kupigwa risasi katika utengenezaji wa filamu yake ya mwisho.

Wa kike anaitwa Shannon Lee ambaye alizaliwa April 19,1969; ni mtaalamu wa mapigano kama baba yake na ni muigizaji. Shannon Lee alianza kuigiza mwaka 1993 na yuko hai hadi Leo.

Mei 10, 1973 Lee alizimia wakati wa kutengeneza filamu ya ‘Enter the Dragon’ akiwa na Golden Harvest mjini Hong Kong, ambako madaktari walimpeleka hospitalini na kugundua kuwa alikuwa na uvimbe katika ubongo.

Hali hiyo ilijirudia tena siku ya kufa kwake, ambako inadaiwa kuwa alizimia na hakuweza kuamka tena.

Siku ya kufa kwake, Lee alikuwa na miadi mjini Hong Kong na mwigizaji wa filamu za James Bond, George Lazenby, ili kubadilishana uzoefu na hatimaye waweze kutengeneza filamu.

Mke wa Bruce, Linda alikaririwa akisema Lee alikutana na Raymond Chow majira ya saa nane mchana nyumbani, wakijadiliana namna ya kuitengeneza filamu ya ‘Game of Death’.

Majadiliano hayo yalidumu kwa saa mbili hadi kumi jioni,  ndipo wakaenda kwa mwanadada wa Taiwan, Betty Ting Pei ambaye walisoma naye nchini Marekani kwa ajili ya kupitia ‘script’ ya filamu yenyewe, baada ya hapo wakaachana kila mmoja akaendelea na shughuli zake.

Akiwa kwa Ting, Bruce Lee alilalamika kuwa na maumivu ya kichwa, ambako mwanadada huyo alimpa dawa za kutuliza maumivu  na majira ya saa 1:30 usiku alikwenda kulala.

Chow aliporudi hakuweza kumwamsha tena Lee, kwani hata kwenye chakula cha jioni alichopanga kukutana na nyota wa James Bond hakwenda, ndio ikiwa mwisho wa habari za Bruce Lee.

Lee alifariki akiwa na miaka 32 Kowloon Tong, Hong Kong na alizikwa katika makaburi Lakeview, Ohio Cleveland nchini Marekani Julai 31, 1973, ambako wasanii mbalimbali walihudhuria akiwamo Taky Kimura, Steve McQueen, James Coburn, Chuck Norris, George Lazenby, Dan Inosanto, Peter Chin na kaka yake Robert.

Bruce Lee alitengeneza filamu tano kali, ambazo ni Lo Wei's The Big Boss (1971), Fist of Fury (1972), Golden Harvest's Way of the Dragon (1972), Warner Brothers' Enter the Dragon (1973), na The Game of Death iliyotoka baada ya kifo chake mwaka 1978.

Mnamo mwaka Mwanamuziki na Mbunge wa Mikumi Professor Jay wa Mitulinga aliwahi kutembelea na kutoa heshima zake katika kaburi la nyota huyo mahiri katika mapigo ya kung fu Bruce Lee na la mwanaye Brandon Lee.

 

Taifa Stars yapindua meza kibabe Benin

Screenshot_20211010-181317_Instagram.jpg

TIMU ya taifa ya Tanzania jana Oktoba 10 imeibuka na ushindi wa bao 1-0 dhidi ya Benin katika mchezo wa kuwania tiketi ya kufuzu Kombe la Dunia.

Nahodha Mbwana Samata alishuhudia kijana wake Simon Msuva akipachika bao la ushindi mapema dakika ya 6 na lilidumu mpaka dakika ya 90.

Katika mchezo wa leo Stars inayonolewa na Kocha Mkuu, Kim Poulsen ilicheza kwa utulivu mkubwa na kusaka ushindi wa haraka kipindi cha kwanza na baada ya kupata ushindi kazi ya ulinzi na kushambulia kwa kushtukiza iliendelea.

Beki wa Stars, Kennedy Juma ni miongoni mwa wachezaji waliokuwa wakitumia nguvu nyingi jambo lililopelekea akaonyeshwa kadi ya njano.

Ushindi huo unaifanya Stars kufukisha pointi saba sawa na Benin katika kundi J ikiwa inaongoza kwa wakati huu na itafahamika baada ya mchezo wa Dr Congo wenye pointi 5 ambao watacheza na Madagascar ambayo haijakusanya pointi mpaka wakati huu.

 

Taifa Stars kumfata Benin leo

tanfootball-244682881_420124962861620_8169784213728940573_n.jpg

LEO Oktoba 8 Timu ya Taifa ya Tanzania,Taifa Stars, inatarajia kuondoka leo saa 6 mchana kuelekea Benin kwenye mchezo wa marudiano kufuzu Kombe la Dunia.

Jana, Oktoba 7, Uwanja wa Mkapa, Taifa Stars ilipoteza kwa kufungwa bao 1-0 na kupoteza pointi tatu muhimu.

Mchezo wa marudio unatarajiwa kuchezwa Oktoba 10, 2021 nchini Benin ikiwa ni vita ya kusaka pointi tatu muhimu.

Taifa Stars itaondoka na Ndege ya Air Tanzania leo na ina matumaini makubwa ya kuweza kupata ushindi licha ya kuwa mchezo huo utakuwa mgumu.

Kocha Mkuu wa Stars, Kim Poulsen amesema kuwa wanatambua utakuwa mchezo mgumu ila watapambana kusema kwamba walipata nafasi na kushindwa kutumia ambazo walizipata.

"Tulishindwa kutumia nafasi ambazo tumezipata hivyo kwa ajili ya mchezo wetu ujao tutapambana kufanya vizuri na kupata pointi tatu muhimu," .

Kwenye Kundi J vinara ni Benin wakiwa na pointi 7 huku Tanzania ikiwa nafasi ya tatu na pointi zake ni nne.

Kocha mpya wa Simba SC kuanza na Tizi kuiwinda Polisi TanzaniA FC

: Kocha FCon7qqXIAMZ_AS.jpg

 

Picha: Kocha Mpya wa Simba SC Hitimana Thiery akiendelea na Mazoezi na wachezaji wake kujiandaa na mchezo wa ligi kuu dhidi ya Polisi Tanzania utakao chezwa leo saa 1 usiku katika uwanja wa Benjamini mkapa.

PELE YUPO FITI KWA SASA

Pele_sasa.jpeg

GWIJI wa zamani wa Brazil, Edson Arantes ulimwengu unamtambua kwa jina la Pele amesema kuwa kwa sasa anaendelea vizuri na afya yake ipo poa.

Pele alikuwa hospitalini kwa siku sita baada ya kufanyiwa upasuaji hivi karibuni kutokana na matatizo ya kiafya huku kinachomsumbua kikiwa ni siri na sasa anaendelea vizuri.

Mchezaji huyo wa zamani wa Brazil mwenye miaka 80 alikuwa anatajwa kuwa na hali mbaya hivi karibuni na taarifa zilikuwa zinadai kwamba alikuwa akizimia mara kwa mara.

Nyota huyo anatajwa kuwa ni mshambuliaji mkubwa wa muda wote anakumbukwa zama za kucheza soka la ushindani kwa kuwa alicheza jumla ya mechi 557 na kutupia mabao 538 katika ngazi ya klabu na kwenye timu yake ya taifa ya Brazil ni jumla ya mechi 92 na alitupia mabao 77.

Pele amesema:"Marafiki zangu nasema asanteni sana kwa jinsi ambavyo mmekuwa mkinitakia kila la heri. Namshukuru Mungu kwa kuwa ninaendelea vizuri na ninamshukuru kwa kunipa madakatri Dr.Fabio na Dr. Miguel kuangalia afya yangu," .

 

Simba SC yamfuta kazi Kocha wake

740ac195e53088e54937bc2e46c52f214d7e8255.jpeg

Klabu ya Simba imeridhia ombi la aliyekuwa Kocha Mkuu,Didier Gomes da Rosa la kuachana na Simba kuanzia leo, baada ya tathmini na majadiliano ya kina,pande zote zimeafikiana kwa mujibu wa mkataba na manufaa ya wote. Thierry Hitimana,ndiye atakuwa Kocha Mkuu wa Simba.

Messi amwaga machozi akiaga Barcelona

WhatsApp-Image-2021-08-08-at-15.09.23-660x400.jpeg

Nahodha wa FC Barcelona Lionel Messi hatimae leo afanya mkutano Nou Camp kwa ajili ya kuwaaga rasmi viongozi, wachezaji wenzake pamoja na mashabiki.

“Mkataba wangu haikuwa ishu sana ninachokijua ni kwamba nilifanya kilaninaloweza kufanya ili nibaki (Barcelona), club ilishasema hilo haliwezi kutokea sababu ya LaLiga”>>>> Messi

“Naweza kukuhakikishia kuwa nilifanya kila ninaloweza ili kubakia lakini haikuwezekana, kweli mwaka uliopita sikutaka kubaki (Barcelona) na nililisema hilo ila mwaka huu ilikuwa ni tofauti nilitaka kuendelea”>>> Messi

Messi (34) ameitumikia FC Barcelona karibia kipindi chote cha maisha yake, alianza kuichezea timu za vijana za Barcelona toka 2003 alipojiunga nayo akitokea Newell’s Old Boys ya kwao Argentina na 2004 ndio akaanza kucheza timu ya wakubwa ya Barcelona

 

 

Page 1 of 76