International news

Raia wa Tanzania Kenya na Uganda waliochanjwa kuruhusiwa kuingia Uingereza kuanzia Jumatatu bila kujitenga karantini

_120987388_ad1e78a3-030c-40d1-b571-30a68470fa3e.jpg

Wasafiri kutoka Tanzania ,Kenya na Uganda ni miongoni mwa watakaoruhusiwa kuingia Uingereza kuanzia jumatatu iwapo wamepokea chanjo kamili .

Serikali ya Uingereza imeyaondoa mataifa 54 kutoka orodha yan chi ambazo raia wake walihitajika kujitenga katika karantini kwa muda au kuonyesha vyeti vya kuthibitisha kwamba hawana virusi vya Corona.Hata hivyo nchi saba bado zitasalia katka orodha hiyo.

Afrika Kusini, Brazil na Mexico zimeondolewa kutoka orodha hiyo , ambayo inahitaji wasafiri kujitenga katika hoteli iliyoidhinishwa kwa gharama yao kwa siku 10 .

Waziri wa Uchukuzi Grant Shapps alisema mabadiliko yanaanza Jumatatu na ni " hatua inayofuata" katika kufungua safari za ndege.

 

Viongozi wa G7 waahidi chanjo bilioni moja za corona kwa mataifa masikini

 

77990a14-c0f5-44af-8d68-2adb106c5c02.jpg

Viongozi wa mataifa saba yenye uwezo mkubwa wa kiuchumi na kiviwanda duniani wameahidi kutoa dozi bilioni moja za chanjo ya Covid- 19 kwa mataifa maskini kama "hatua kubwa kuelekea upatikanaji wa chanjo kwa watu wote duniani", amesema Waziri Mkuu wa Uingereza Boris Johnson.

Wakati wa kumalizika kwa kongamano la G7 mjini Cornwall, Bw. Johnson alisema mataifa yanapinga "mbinu za kitaifa".

Lakini akaongeza kuwa chanjo ya ulimwengu itaonyesha faida za maadili ya kidemokrasia ya G7.

Pia kulitolewa ahadi ya kuwaondolea mchango wa kushughulikia mabdailiko ya tabia nchi

Baada ya mkutano wa kwanza wa viongozi wa ulimwengu ndani ya miaka miwili , Bw. Johnsona alisema "Ulimwengu ulikuwa unatutegemea sisi kukataa baadhi ya njia za ubinafsi, za kitaifa ambazo ziliharibu mwitikio wa kwanza wa ulimwengu kwa janga hiyo na kutumia juhudi zote za kidiplomasia, kiuchumi na kisayansi kutokomeza Covid -19".

Alisema viongozi wa G7 waliahidi kusambaza chanjo hizo kwa nchi masikini moja kwa moja au kupitia mpango wa Shirika la Afya Ulimwenguni la Covax - zikiwemo dozi milioni 100 kutoka Uingereza.

Waandamanaji wamiminika katika mitaa ya Bangkok

images.jpg

Mamia ya waandamanaji wanaounga mkono demokrasia leo Jumamosi wameshiriki maandamano mjini Bangkok, baada ya waziri mkuu Prayut Chan-O-ocha kunusurika kura ya kutokuwa na imani naye. Zaidi ya waandamanaji 300 walikusanyika katika duka kubwa katikati mwa Bangkok licha ya mvua kubwa kunyesha. 

 

Kuelekea maandamano hayo polisi walitumia makontena makubwa kuzuia njia kuu za kuelekea eneo la maandamano. Kulikuwa na ulinzi mkali wa polisi huku polisi wa kutuliza ghasia wakijiweka tayari kukabiliana na waandamanaji. 

 

Wiki hii wabunge wa Thailand walijadili hoja ya namna serikali ilivyoshughulikia janga la virusi vya corona. Waziri mkuu Prayuth na mawaziri wengine watano wameepuka kura ya kutokuwa na imani, ikiwa ni kura ya tatu ya kutaka kuiangusha serikali tangu uchaguzi wa mwaka 2019.

Museveni alaani shambulizi dhidi ya Katumba

download 9

Rais wa Uganda Yoweri Museveni amekosoa vikali shambulizi lilifanywa dhidi ya Jenerali Katumba Wamala. 

Katika taarifa aliyoandika kwenye ukurasa wake wa Twitter Museveni amesema amezungumza mara mbili na Katumba kwa njia ya simu akiongeza kuwa jenerali huyo anatibiwa vizuri na wameshapata taarifa za awali kuhusu wauwaji.

 

 Aidha, Museveni amesema mlinzi wa Katumba alifyatua risasi kuwaonya washambuliaji hatua iliyoyaokoa maisha ya jenerali huyo lakini alitakiwa kuwapiga risasi na kuwauwa. 

Msemaji wa jeshi la Uganda Brigedia Flavia Byekwaso amesema watu waliojihami kwa silaha wamelimiminia risasi gari lililokuwa limembeba waziri wa Uganda katika tukio linalosemekana kuwa la jaribio la kumuua. 

Shambulio hilo limemjeruhi mkuu huyo wa zamani wa majeshi nchini Uganda, na kusababisha kifo cha mtoto wake wa kike na dereva wake.

Morocco kufunga ubalozi wake Algeria

Bendera_Maroko___Morocco_Flag___Bendera_Kapal_Impor_Polyeste.jpg

Morocco inatarajiwa kufunga ubalozi wake nchini Algeria hii leo baada ya Algeria kuvunja uhusiano wake na taifa hilo la kifalme kuhusu kile ilichokitaja kuwa ni vitendo vya uadui.
 
 Duru rasmi nchini Morocco imeliambia shirika la habari la Ufaransa, AFP, kwamba kuanzia leo Ijumaa, ubalozi huo utafungwa na balozi wake na wafanyakazi wote watarejeshwa nyumbani. 
 
Hata hivyo, duru hiyo imesema kuwa balozi ndogo za Morocco mjini Algiers, Oran na Sidi Belabbes zitabaki wazi.Nchi hizo mbili zimekuwa zikishutumiana kwa muda mrefu kwa kila upande kuunga mkono harakati za upinzani za upande mwengine.
 
Uungaji mkono wa Algeria kwa makundi yanayotaka kujitenga katika eneo linalozozaniwa la Sahara ya Magharibi hasa ndio sababu kuu ya msuguano na Morocco.Morocco imetaja kukatika kwa uhusiano huo wa kidiplomasia kuwa usiostahili na kwamba uamuzi huo ulizingatia visingizio vya uongo.

Wanafunzi 14 waliotekwa nyara kutoka chuo kikuu cha kibinasi nchini Nigeria waachiliwa

60b33211e4315

Wanafunzi 14 waliotekwa nyara na watu wenye silaha kutoka chuo kikuu cha kibinafsi mnamo Aprili 20 katika jimbo la Kaduna nchini Nigeria, wameachiliwa.

Kamishna wa Usalama wa Ndani na Mambo ya Ndani wa Jimbo la Kaduna Samuel Aruwan alitangaza kuachiliwa kwa wanafunzi 14 waliotekwa nyara kutoka Chuo Kikuu cha kibinafsi cha Green Field.

 

Aruwan ambaye hakutoa taarifa zaidi juu ya namna wanafunzi hao walivyoachiliwa, alieleza kuwa wasilishwa kwa familia zao.

Watu wenye silaha waliwateka nyara wanafunzi 19 katika shambulizi la Chuo Kikuu cha kibinafsi cha Green Field mnamo Aprili 20. Wanafunzi watano kati ya yao walipatikana wakiwa wamekufa karibu na chuo mnamo Aprili 23.

Gavana wa jimbo la Kaduna, Nasir Ahmad al-Rufai, alitangaza kwamba hatalipa fidia iliyodaiwa kwa ajili ya kuachiliwa kwa wanafunzi.

TB Joshua kuzikwa leo Nigeria

TB-Joshua-3-1-660x400.jpeg

Leo Ijumaa Julai 9, 2021 maelfu ya waombolezaji wamejitokeza kuaga mwili wa mhubiri maarufu duniani, Temitope Balogun Joshua maarufu TB Joshua anayezikwa leo nchini Nigeria.

TB Joshua alifariki dunia Jumamosi ya Juni 5, 2021 nchini humo akiwa na umri wa miaka 57. Ibada ya kuaga inafanyika katika kanisa Synagogue Church of All Nations (SCOAN) mjini Lagos.

Taratibu za mazishi yake zilianza kufanyika Jumatatu ikianza misa katika kanisa hilo na Jumanne waombolezaji walitoa heshima za mwisho. TB Joshua alijipatia umaarufu kutokana na kuponya watu wa mataifa mbalimbali na huduma yake kuwa maarufu duniani kote.

Israeli yafanya shambulio kubwa zaidi la anga Palestina

 118542284 tv067380298

Israeli imefanya mashambulizi kadhaa alfajiri ya leo katika Ukanda wa Gaza, baada ya wanamgambo wa Palestina kurusha makombora ya roketi katika miji iliyopo kusini mwa Israeli.

Mashambulizi ya alfajiri ya Jumatatu ni makubwa zaidi tangu mapambano yaanze wiki moja iliyopita.

 

Israeli inasema imeshambulia majengo yanayomilikiwa na wanamgambo wa Hamas pamoja na nyumba kadhaa za makamanda wa kundi hilo, hata hivyo barabara kuu kadhaa na nyaya za umeme pia zimeharibiwa.

Page 1 of 107