SPORTS & ENTERTAINMENT

 

 

TETESI ZA SOKA ULAYA ALHAMISI 15.03.2018

Mkufunzi wa Manchester United Jose Mourinho anatarajiwa kuzungumza na maafisa wakuu wa klabu hiyo kuhusu bajeti yake ya uhamisho huku joto la wasiwasi likipanda katika klabu hiyo, Paris St-Germain huenda ikamshawishi kuhamia Ufaransa. (Mirror)

Mourinho ameamua kuhusu kuwanunua wachezaji wanne huku wachezaji saba katika kikosi chake cha sasa wakitarajiwa kuuzwa.

United imetaka kumsajili kiungo wa kati wa Chelsea na Brazil Willian mwisho wa msimu huu huku mchezaji huyo mwenye umri wa miaka 29 akitarajiwa kugharimu £60m. (Sun)

Mkufunzi wa Leicester Claude Puel anatarajiwa kupewa dau kubwa la ununuzi wa wachezaji mwisho wa msimu huu .(Leicester Mercury).

Chelsea ina hamu ya kumsajili beki wa Juventus na Ghana Kwadwo Asamoah ,29, kwa uhamisho wa bure wakati kandarasi yake itakapokamilika mwisho wa msimu huu (Sun)

Bayern Munich na Juventus zina hamu ya kumsajili kiungo wa kati wa Liverpool na Ujerumani 24- Emre Can (Mirror)

Vitesse Arnhem inataka kumpatia kandarasi ya kudumu kiungo wa kati wa Uingereza Mason Mount ,19, kwa msimu mwengine. (VL - in Dutch)

Manchester City inatarajiwa kutia saini kandarasi yenye thamani ya £45m kwa mwaka na kampuni ya Puma. Kandarasi yao na kampuni ya Nike ina thamani ya £18m kwa mwaka. (Sun)

TETESI ZA SOKA ULAYA JUMATATU 26.02.2018

Mshambulizi wa zamani wa Arsenal Thierry Henry anasema angependa kuchukua nafasi yake Arsene Wenger kama meneja wa Arsenal (Sky Sports)

Chelsea ndio wako kifua mbele katika kumsaini mshambuliaji wa Bayern Munich Robert Lewandowski. Mchezaji huyo raia wa Poland anataka kujiunga na Premier League. (Sun)

AC Milan wana mpango wa kumsaini kiungo wa kati wa Swansea raia wa Korea Kusini Ki Sung-yueng, 29. (Calciomercato - in Italian)

Arsenal wanamtaka kiungo wa kati wa Paris St-Germain, Yacine Adli 27. Manchester City, Barcelona na Juventus pia wanamwinda raia huyo wa Ufaransa. (L'Equipe, via Sun)

Washambuliaji wa Barcelona Lionel Messi, Luis Suarez na Philippe Coutinho wameidhinisha mipango ya klabu hiyo kuwaleta wachezaji watatu wapya msimu unaokuja. (Diario Gol - in Spanish)

Tottenham wanapanga kumsaini mshambulizi wa Sheffield United wa umri wa miaka 20 David Brooks. Klabu hiyo ya Premier League ina mpango wa kukubaliana pauni milioni 10 wa raia huyo wa Wales. (Sun)

TRAVIS SCOTT AMPA ZAWADIA MPENZI WAKE BAADA YA KUJIFUNGUA,

Rapper Travis Scott ameonyesha yeye sio mtu wa mchezo mchezo hasa linapokuja jambo kuhusu mpenzi wake Kylie Jenner kutoka familia ya Kardashian.

Rapper Scott ameona isiwe shida amemtunuku mzazi mwenzake huyo ndinga mpya aina ya Ferrari, kama zawadi baada ya kumletea mtoto wa kike aitwaye Storm hivi karibuni.

Gari hiyo aina ya Ferrari yenye rangi nyeusi imekadiriwa kuwa na thamani ya kiasi cha dola milioni 1.2 sawa na kiasi cha shilingi bilioni mbili za Kitanzania.(2,697,263,826.90)

Kwa sasa wawili hao wamekuwa wakifatana kila waendapo na picha ya kwanza imenaswa wakiwa katika mtoko wao wa kula chakula cha mchana maeneo ya Nobu mjini Malibu, nchini Marekani.

Picha za gari hiyo ziliweka katika mtandao wa kijamii wa Instagram wa mrembo huyo.

YANGA SC YAITAMBIA ST LOUIS

Kikosi cha Yanga kimeondoka hapo jana asubuhi kuelekea Shelisheli tayari kwa mchezo wa marejeano wa ligi ya mabingwa barani afrika dhidi ya wenyeji St Louis.

Wakati wakiwa uwanja wa Ndege wa JKNIA Mwenyekiti wa kamati ya mashindano, Hussein Nyika amesema kikosi kimeelekea Shelisheli kikiwa na morari ya juu hasa baada ya matayarisho mazuri na ushindi mnono kwenye mchezo wa ligi dhidi ya Majimaji.

Vijana wako fiti na wana morari ya hali ya juu tumefanya mazoezi ya kutosha kwa muda wa siku tatu, hapo kabla tulikuwa na mchezo wa ligi dhidi ya Majimaji mchezo ambao mwalimu aliutumia kurekebisha makosa aliyoyaona kwenye mchezo wa kwanza dhidi ya St Louis na sasa kikosi chake kiko kamili kwenda kumaliza kazi huko Shelisheli.

SNURA AKANUSHA KUTOKA NA MINU CALYPTO

Msanii wa muziki Bongo, Snura amefunguka ukweli wa ukaribu wake na Minu Calypto Kumekuwa na taarifa mbali mbali kuwa Snura anatoka kimapenzi na Minu Calypto ambaye pia ni msanii wa Bongo Flava. Snura amesema kinachoendelea kati yake ni muimbaji huyo ni masuala ya kazi na hakuna kitu kingine.

Ameendelea kwa kusema picha zilizooneka wakipeana mabusu ya moto zimetoka kwa bahati mbaya ila siku ambayo kazi husika itatoka ndio watu watajua ukweli wa suala hilo.

“Hapa hakuna mapenzi kuna kazi tu, hamjui kwanini nimejitoa kumsaidia na kumsaidia mtu sio mpaka awe bwanaako ubinafsi huo mimi sina na kwakua nimejitolea kumsaidia basi nakubaliana na kuvumilia yote, huyu ni mdogo wangu na atabaki kua hivyo,” amesema.

Siku za nyuma kuliripotiwa kuwa Snura amemchukua Minu Calypto ambaye mwanzoni alikuwa ni mpenzi wa muigizaji Nisha kitu ambacho Snura alikipiga vikali.

DIAMOND PLATNUMZ KUANZA ZIARA YAKE YA MUZIKI NCHINI MAREKANI

Ziara hiyo inayoanza tarehe 22 June hadi 23 July 2018, Diamond atawapagawisha kwa burudani wakazi wa Majiji ya New York, Los Angeles, Minnesota, Houston, Seattle, Kansas City, Washington DC, Boston, Atlanta, Columbus, Philadephia, Dallas.

“Kuelekea kwenye Kuachiwa Rasmi kwa Albam ya #AboyFromTandale Ndugu zangu Mlio Marekani Jiandaeni kwa Ziara ya #AboyFromTandaleUSATour mdani ya State hizo 12 kuanzia tareh 22/06 hadi 23/07 Mwaka 2018!!“amesema Diamond Platnumz.

Ziara hiyo ya ‘A Boy From Tandale’ itakuja baada ya kuachiwa kwa album yake ya ‘A Boy From Tandale’ mwezi Machi 14, 2018.

MAN CITY WASHINDI WA KOMBE LA CARABAO, WAILAZA ARSENAL 3-0

Pep Guardiola ameshinda taji lake la kwanza msimu huu baada ya Manchester City kuifunga Arsenal katika fainali za kombe la Carabao mchezo uliopigwa kwenye dimba la Wembley.

Man City wameshinda kwa magoli 3-0 katika mchezo ambao City ilitawala kwa kiasi kikubwa.

Magoli ya City yamepachikwa na Sergio Aguero baada ya kupokea pasi kutoka kwa Claudio Bravo, Vincent Kompany akafunga la pili na David Silva akafunga la tatu na la ushindi.

Arsenal haikuonyesha makali yake, huku msambuliaji wake mpya Pierre-Emerick Aubameyang akishindwa kung'ara.

Vincent Kompany ambaye alikosekana uwanjani kwa muda mrefu alichaguliwa kuwa mchezaji bora.

TETESI ZA SOKA ULAYA JUMATATU 19.02.2018

Meneja wa West Bromwich Albion Alan Pardew ana mechi mbili za kuokoa kazi. (Sun)

Paris St-Germain wanafikiria kutumia pauna millioni 30 kumsaini mlinzi wa Manchester United Marcos Rojo, 27. Mkataba wa raia huyo wa Argentina huko Old Trafford unafikia mwisho msimu ujao. (Sun)

Mchezaji wa Chelsea mbelgiji Eden Hazard, 27, anasema yuko na furaha huko Stamford Bridge lakini hajasema kuwa hatakihama klabua hiyo siku za usoni. (Telefoot - in French)

Meneja wa zamani wa Chelsea Carlo Ancelotti hana fikra za kurudi Paris St-Germain kwa sababu anataka kurudi kwa Premier League. (Mirror)

Leicester wametuma maajenti kumtazama beki wa Benfica Andre Almeida, 27, na wing'a Rafa Silva, 24. Wachezaji wote hao walihusishwa na Leicester mwezi Januari. (O Jogo via Leicester Mercury)

AC Milan na Inter Milan wana nia ya kumsaini mshambuliaji Mario Balotelli, 27, kutoka Nice. Raia huyo wa Italia amekasirishwa kwa kupewa kadi ya njano wakati akimlalamikia refa kuhusu kisa ya ubaguzi wa rangi. (Sun)

Kiunga wa kati ya Manchester United Paul Pogba, 23, amerejea kwenye mazoezi baada ya kuwa mgonjwa kabla ya mechi ya Jumamosi ya kombe la FA ambapo Man United walipata ushindi dhidi ya Huddersfield. (Mail)

Page 2 of 70