SPORTS & ENTERTAINMENT

 

 

DIAMOND AKUBALI YAISHE KWA MTOTO WA HAMISA MOBETTO

Mwanamuziki Diamond Platnumz amekubali kuwa Mtoto wa Hamisa Mobetto amezaa nay eye na jina alilotoa apewe mtoto huyo ni Dylan lakini kwa sababu alizo ziita za kutafuta umaarufu mwanamke huyo alimwita Abdul Nassib.

Amesema Hamisa alimwita mtoto huyo jina la Abdul ambalo ni jina la baba yake mzazi ili iwe rahisi watu kufahamu kuwa mtoto huyo ni wa kwake baada ya kukubaliana kufanya uhusiano wao kuwa wa siri.

“Mimi jina ninalolitambua ni Dylan hata niliposikia wamemwita Abdul nilisema poa tu lakini akija kwangu nitamwita ninalolitaka mimi kwa sababu nataka aitwe DD (D Square).”

Amesema alisikitishwa pia na kitendo cha mwanamke huyo kumualika baba yake katika sherehe ya kutimiza siku arobaini ya mtoto huyo akimdanganya kuwa angekuwepo.

“Walimwalika mzee Abdul na nguo wakampelekea ili ahudhurie, yote hiyo ili mradi tu wapate cha kuzungumziwa mitandaoni,” amesema Diamond.

Aidha amezungumzia kuhusiana na namna alivyo muhudumia mwanamke huyo kipindi cha ujauzito wake.

"Nilikubali ujauzito ni wangu, sikupenda kuikana mimba ni damu yangu na kila siku iendayo kwa Mungu nilikuwa nampatia shilingi elfu 70 kama matumizi ya mtoto mpaka anazaliwa" Hayo ni maneno ya Diamond Platnum

Hayo yanatokea mara baada ya Mwanamitindo huyo kuweka mambo hadharani kwa kumtaja baba wa toto wake wa pili AbdulLatif kuwa ni Diamond Platnumz.

Kwa mujibu wa akaunti ya mtandao wa Instagram ya mtoto huyo inaonyesha jina kamili la mtoto kuwa ni “Dully Dangote (AbdulLatif Naseeb Abdul Juma )Lion ?(Leo) -8|8|2017 TanzanianBaby ?@hamisamobetto & Diamond Platnumz Son.”

Miezi kadhaa nyuma Diamond Platnumz alikuwa akikana kuhusika kutoka kimapenzi na mwanamitindo huyo na pia kukana mimba aliyokuwa nayo mrembo huyo.

Hamisa ambaye alianza kutaja majina ya baba wa mtoto huyo miezi kadhaa nyuma kwa herufi za mwanzo, hatimaye kuweka jina lote la baba huyo katika akaunti ya mtandao wa kijamii wa Instagram.

Abdullatif ni mtoto wa pili wa mrembo huyo ambapo mtoto wa kwanza Fantasy alizaa na Majay.

TUNDA AKANUSHA KUTOA MIMBA

Mlimbwende Tunda ambaye ni gumzo kwenye mitandao ya kijamii kutokana na urembo wake, amekana taarifa za kutoa ujauzito ambao alionekana nao, na kusema hakuwa na mimba na hajawahi kupata ujauzito maishani mwake.

Akizungumza na Safari MediaTunda ambaye pia ni ‘video vixen’, amesema tumbo alilonalo lilikuwa ni kitambi kilichoongezeka kutokana na kunenepa, na kwa sasa anafanya mazoezi kuweza kurejesha mwili wake wa kawaida.

“Sina mimba na sijawahi kuwa mjamzito, hili tumbo nimeongezeka tu nina asili ya tumbo nikinenepa na tumbo linaongezeka, hizo tetesi za kutoa mimba ndo nazisikia kwako sijawahi kutoa mimba”, amesema Tunda.

Hivi karibuni mrembo huyo amekuwa akipost picha zinazomuonyesha na tumbo kubwa, hali iliyoibua gumzo kwa mashabiki kuwa huenda mrembo huyo anatarajia kupata mtoto

Q BOY MSAFI ACHUKIZWA KUAMBIWA UKWELI

Msanii wa Bongo Flava, Q Boy Msafi amesema kitendo cha kuambiwa hawezi muziki kunamfanya ajitume zaidi.

Muimbaji huyo ambaye kwa sasa anafanya vizuri na ngoma ‘Unaanzaje’ ameiambia Safari Media kuwa maneno ya namna hiyo yanamfanya kuongeza juhudi katika kazi, ila ni vitu ambavyo vipo kila mahali.

“Mimi nachukulia kama changamoto kwa sababu ujue unapokuwa unasaka tonge lazima ukutane na changamoto za kukukatisha tamaa, kwa hiyo unapopata feedback kama hizo zinakufanya uongeze hasira na juhudi ili uweze kuprove wrong watu na vile ambavyo wanakufikiria,” amesema Q Boy.

Hata hivyo ameongeza kuwa mtu pekee anayeweza kusema hawezi kuimba ni producer na kueleza kuwa maproducer wote aliokwishafanya nao kazi akiwemo Mr. T Touch wanakubali uwezo wake.

OKWI AWEKA MIKAKATI YA KUINUFAISHA SIMBA

Mshambuliaji mwenye asili ya Kiganda, Emmanuel Okwi amefunguka na kudai kwa sasa hatazamii kucheza ili kupata kiatu cha dhahabu baada ya ligi kuisha bali malengo yake ni kuisaidia timu yake yake ya Simba SC kupata ushindi.

Okwi amefunguka hayo baada ya kutoka kwenye mchezo wa uliomalizika jana jioni kwenye uwanja wa Uhuru Dar es salaam kwa klabu yake kuichapa Mwadui FC ya Shinyanga mabao 3 -0 na kupata nafasi ya kurejea nafasi ya pili kwenye msimamo wa ligi kuu bara.

"Nawashukuru wacheaji wenzangu kwa ushirikiano na hivi sasa siangalii kupata kiatu cha dhahabu bali kuisaidi timu yangu kupata ushindi, lakini ikitokea kuwa nimepata nitashukuru".

Mabao ya Emmanuel Okwi dakika ya 7 na 67 yaliipa Simba uongozi kabla ya John Bocco kuhitimisha ushindi huo wa pili kwa Simba msimu huu kwa bao safi dakika ya 72.

Simba sasa imefikisha alama 7 ikiwa katika nafasi ya pili nyuma ya Mtibwa Sugar yenye alama 9. Mshambuliaji Emamanuel Okwi amefikisha mabao 6 katika michezo yake miwiwli aliyocheza huku John Bocco naye akifungua akaunti ya mabao ndani ya Simba.

Katika mchezo mwingine jana Mbeya City wakiwa nyumbani Sokoine Mbeya wameifunga Njombe Mji bao 1-0.

FID Q AFAGILIA, KITAAOLOJIA’

Msanii wa muziki wa hip hop Bongo, Fid Q amedai albamu yake mpya ‘Kitaaolojia’ ina ngoma kali sana na pengine ngoma yake ya Ulimi Mbili akawa si kitu, si chochote.

Rapper huyo ambaye kwa sasa anafanya vizuri na ngoma ‘Fresh’ ameiambia Safari Media kuwa kinachompa jeuri ni kutokana na ngoma zote kukamilika ukilinganisha na Ulimi Mbili ambayo ilitoka bila kukamilika na watu wameipokea vizuri.

“Albamu ambayo imesubiriwa na watu lazima itoke kali, imechelewa lakini imetoka konki? hicho ndio kitu kinanivuruga zaidi.

Imetoka Ulimi Mbili haijafanyiwa mixing wala mastering ina sound vile, sasa pata picha hizo zilizokamilika zipoje?, amesema Fid Q.

“Nikumbushe tu Ulimi Mbili sio ngoma kali tu nilionayo pengine ndio inaweza kuwa ngoma mbovu katika stock nilionayo, sijisifii ila nina albamu kali sana,” ameongeza.

Kitaaolojia itakuwa albamu ya tatu kwa Fid Q baada ya kutoa Vina Mwanzo Kati Na Mwisho iliyokuwa ya kwanza na Propaganda.

HAMILTON AIBUKA KINARA MICHUANO YA SINGAPORE GRAND PRIX

Lewis Hamilton amefanikiwa kushinda michuano ya Singapore Grand Prix mbele ya mpinzani wake mkubwa Sebastian Vettel.

Licha ya kushinda,Hamilton anataja michuano ya mwaka huu kuwa na upinzani mkali.

Hamilton, ambaye alianza mzunguko wa tano kwa kusuasua aliongoza baada ya Vettel kugongana na dereva mwenzake wa Ferrari Kimi Raikkonen.

Zilikuwa ni mbio za aina yake, alisema Hamilton .

''Vettel alitarajiwa kushinda lakini kwa kutereza kwake basi nikawa mshindi''

Hamilton ameshinda kwa alama 28.

ALIKIBA AWAPA NENO WANAOMPAKAZIA AMEKOPI SEDUCE ME

Wakati Seduce me ikiendelea kukimbiza ambapo mpaka sasa imeweza kufikisha watazamaji milioni tano na kuahidi kuachia dude jipya endapo itafikisha watazamaji milioni kumi, Ali Kiba amewatolea povu watu wanaodai kuwa wimbo huo amekopi kutoka kwa jamaa huko ufilipino

“Kitu kizuri siku zote huwa kinapigwa mawe, wimbo huu ni wa kisasa ndio maana watu wanaongea sana na mimi nawaacha waongee ila wimbo sijakopi sehemu yoyote tu.”

“Kukopi wimbo kwangu haiwezekani na haitakuja kutokea kamwe, sababu huu wimbo nilianza kuandika huu wimbo kutoka Studio ila najua kuna watu wanataka kuuzima wimbo, sasa kwanini wanataka kuuzima wimbo wakati wa watu huu,” aliongeza.

Pia Kiba aliongeza juu ya uwezekano wa kutokea kwa Remix ya Seduce Me lakini hayo amesema bado yapo chini ya mipango na kama itatokea basi mashabiki zake wataona kila kitu.

“Pia kuna mipango ya kolabo na G Nako na kama itatokea Remix ya Seduce Me nitapenda pia tena natamani wasanii wote waweke sauti zao,” aliongeza.

SIRI YA LADY JAYDEE KU-RAP KWENYE ‘I MISS YOU’ HII HAPA

Malkia wa Bongo Flava Judith Wambura maarufu kama Lady Jaydee, amebainisha sababu zilizomfanya ku-rap katika ngoma yake mpya aliyoachia mapema wiki hii.

Akiongea Safari Media, amesema kuwa kama msanii huwezi kufanya vitu vilevile kila ili watu wakuone mpya lazima ubadilike.

“Sababu ya kufanya rap ni kwa sababu huwezi kufanya vitu vilevile kila siku, ili watu wakuone ni mpya na wapende kitu kipya lazima ufanye kitu ambacho ni tofauti na ulichokuwa unakifanya,” amesema Jide.Pia akaongeza kuwa verse ya kwanza ya ngoma hiyo imeandikwa na rapper One The Incredible.

Video ya ‘I Miss You’ inatarajiwa kutoka hivi karibuni na huu ni ujio wake mpya wa mrembo huyi ikiwa ni baada ya kuachia albamu yake ya saba, iitwayo ‘Woman’ mwezi w

Page 9 of 70