blog category

 

 

NATAKA KUMUONA ‘MAN-KAMUSOKO’ SASA, NA FABRIGAS WA RWANDA

Yanga haitakuwa na sababu tena za kujitetea ikiwa watapoteza mchezo wao wa pili katika kundi. Ikiwa na Thaban Kamusoko mmoja wa viungo bora zaidi katika ligi kuu ya Tanzania Bara msimu uliomaomalizika, Haruna Niyonzima ‘Fabregas,’ huku Saimon Msuva, Deus Kaseke, Geofrey Mwashuiya, na ingizo jipya katika timu, Juma Mahadhi dhidi y a Mazembe wanataka kuwaona wakitimiza matarajio yetu, kuona Mazembe kwa namna yoyote ikiacha pointi 3.

Yanga haikuwahi kupata ushindi wowote katika game 7 za hatua ya makundi katika michuano ya CAF. Baada ya kupoteza dhidi ya Raja, Manning Rangers, Asec (Caf Champions league 1998,) kisha dhidi ya MO Bejaia katika Confederation Cup msimu huu, mechi ya 8 kwanza ni dhidi ya mabingwa mara tano wa ligi ya mabingwa na wanakuja wakiwa na viungo wawili mahiri sana wanaocheza ndani ya Afrika ( Asante na Kalaba.)

Nina hamu na shahuku ya kumuona Kamusoko akiwazima wacheza timu hawa kwa kushirikiana na Bossou kama viungo wa ulinzi. Nataka kumuona Kamusoko akikaba na kupiga pasi za kwenda mbele huku akizifuata, nasubiri kuona kama Mzimbabwe huyu atapiga pasi zake za kupenyeza, naimani nitaendelea kuona utululivu wake na pasi za haraka za kupandisha mashambulizi ya kustukiza. Hii ni mechi ya Mzimcabwe huyu?

Nasubiri, hadi sasa ndiye dimba la kati makini na bora zaidi katika ligi ya Bara, ila bado namsubiri kumpa vyeo vingine. Kuwapanga Kamusoko, Niyonzima na Juma Mahadhi katika kiungo, kisha Obrey Chirwa na Donald Ngoma katika safu ya mashambulizi itakuwa ni kikosi kabambe, pia wanaweza kuingia Msuva au Kaseke katika kikosi cha kwanza lakini halitakuwa jambo zuri kwa Yanga kwa maana wanakutana na timu isiyojilinda hata ikicheza ugenini.

Baada ya game tutaongea zaidi ila imani yangu Yanga itaichapa Mazembe na haitapoteza mchezo wa kimataifa Dar es Salaam.

EDEN HAZARD AIBEBA BELGIUM EURO 2016

Star wa Chelsea Eden Hazard alifunga bonge la goli wakati Belgium ikiisambaratisha Hungary na kufuzu kucheza robo fabo fainali ya michuano ya Euro 2016 ambapo itacheza dhidi ya Wales.

Hazard alikuwa vizuri kwenye mchezo huo, alipenya kwa wachezaji wawili akitokea upande wa kushoto wa uwanja na kutengeneza bao lililofungwa na Michy Batshuayi.

Mchezaji wa Tottenham Toby Alderweireld aliifungia Ubelgiji kwa kichwa kabla ya Michu Batshuayi kuongeza bao linguine na kuiweka Ubelgiji mbele kwa bao 2-0.

Hazard alifunga goli la aina yake dakika ya 80 kabla ya Yannick Carrasco kupachika bao la nne dakika za lala salama.

Ubelgiji inataraji kucheza na Wales kwenye mchezo war obo fainali siku ya Ijumaa kwenye mji wa Lille.

HALI ILIVYO UWANJA WA TAIFA KUELEKEA YANGA VS MAZEMBE (2)

Leo pale taifa unachezwa mchezo wa kombe la shirikisho Afrika kati ya mabingwa wa Tanzania Young Africans dhidi ya TP Mazembe mabingwa wa DR Congo ukiwa ni mchezo wa pili kwa timu zote mbili.

Mchezo huo umekuwa na mambo mengi sana nje ya uwanja kitu ambacho kinazidi kuwafanya wadau wengi wa soka la bongo kutamani kuona na hata kujua ni nini kitatokea uwanjani ndani ya saa moja na nusu ya mchezo huo (dakika 90).

Uongozi wa Yanga umetangaza kuwa hakutakuwa na kiingilio kwenye game hiyo, sasa kilichotokea ni kufurika kwa mashabiki uwanjani kuanzia asubuhi wakianza kuingia uwanjani wakihofia kukosa nafasi itakapofika majira ya mchana.

YANGA SC tayari wamefanya mambo mengi muhimu nje ya uwanja kuhakikisha wanapata ushindi katika game yao ya pili na ya kwanza katika uwanja wa nyumbani watakapoikabili TP Mazembe katika mchezo wa hatua ya makundi katika michuano ya CAF Confederation Cup.

Mchezo huo utapigwa ndani ya dimba la uwanja wa Taifa, Dar es Salaam siku ya Jumanne hii. KIKOSI CHA USHINDI Kocha, Hans Van der Pluijm hajawahi kuniangusha katika upangaji wa kikosi chake na game plan zake mara zote zimekuwa zikibadilikabadilika kutoka na aina ya timu na umuhimu wa mchezo.

Na mara zote vikosi vyake vimekuwa na dhamira ya kusaka ushindi, kufungwa au sare ni matokeo ya ziada na yanakubalika katika mchezo wa kiungwana kama ‘mpira wa miguu.’

Kumpanga, Deogratius Munishi ‘Dida’ kama kipa chaguo la kwanza ni mtazamo wa kila mtu na kipa huyo wa timu ya Taifa ya Tanzania anaweza kuingia katika orodha ya makipa bora mwisho wa michuano kama ataendeleza kiwango chake kile ambacho alikionyesha katika game dhidi ya Al Ahly 2-1 Yanga (Cairo,) Yanga 2-0 Esperanca (Taifa), Esperanca 1-0 Yanga (Angola) na MO Bejaia 1-0 Yanga (Algeria.)

Dida amekuwa imara katika uchezaji wa krosi, lakini kikubwa katika game ya kesho anapaswa kuongeza umakini, ujuzi na uwezo wa kuruka kwa kuwa Mazembe itafanya mashambulizi mengi, lakini watategemea zaidi mikwaju ya mbali yenye uelekeo sahihi golini kwa Yanga kwa maana wachezaji wao wengi wa nafasi ya kiungo ni wachezesha timu wenye ubunifu wa kupiga pasi za hatari na kiki za mbali.

Hans kama nilivyo mimi angependa sana kufanya mabadiliko baadhi kutoka katika kikosi kilichopoteza game ya kwanza ugenini dhidi ya MO Bejaia na bila shaka, Hassan Kessy Ramadhani angechukua nafasi ya Mbuyu Twite katika beki namba mbili. Yanga wanahitaji ushindi katika mchezo wa kesho ili kuleta usawa katika kundi la kwanza.

Kumpanga Kessy badala ya Mbuyu kuna faida kubwa katika mashambulizi. Mbuyu hukaba vizuri na upande wa wing namba 11 wa Mazembe umekuwa ni mwongozo wa matokeo mazuri ya timu hiyo. Mazembe wanapenda kupeleka mbele mashambulizi yao kupitia sehemu za pembeni za uwanja. Kama ni tahadhari, Mbuyu na Oscar Joshua ni machaguo ambayo Hans anaweza kuyapanga na kuifanya timu yake kucheza katika umakini katika beki.

Kama fullbacks zitayumba itaiangamiza safu yote ya ulinzi kwa hivyo basi, kama Mbuyu atapangwa kama mlinzi wa kulia, angalau atapaswa kutengeneza walau nafasi 3 za kufunga na kubaki nyuma tu kama ilivyokuwa katika game ya wiki iliyopita. Yanga inategemea mipira ya pembeni ambayo hupigwa na walinzi wa pembeni.

Kessy ni injini ya kupandisha mashambulizi, ana kasi na krosi zake pasi huwa zenye mwelekeo. Kama atacheza hakitaharibika kitu na anaweza kufanya vizuri zaidi ya tulivyozoea kuona Yanga ikicheza ikiwa na Mbuyu au Juma Abdul katika beki namba mbili.

Kama ningekuwa katika nafasi ya Hans ningewapanga, Kelvin Yondan, nahodha, Nadir Haroub na Mtogo, Vicent Bossou katika beki ya kati na ningeicheza timu yangu katika mfumo wa 5-3-2. Huu ni mfumo mzuri kwa timu ndogo pindi inapocheza na timu kubwa.

Yanga ni wadogo kwa Mazembe lakini kwa aina ya walinzi wao wa pembeni (Mbuyu, Kessy, Oscar, J.Abdul) watashambulia sana lango la Mazembe na hawatapoteza umakini katika beki ya kati ambayo itapaswa kucheza katika hadhi ya kiwango cha kimataifa.

Yanga hawatapaswa kucheza za wazi lakini ili wapate matokeo watapaswa pia kucheza faulo za kitaalamu dhidi ya Mzambia, Rainford Kalaba na Mghana, Solomon Asante. Ni lazima mabeki na hata wachezaji wa nafasi ya kiungo wajiandae kucheza tackling sahihi.

Mazembe wanapasiana sana, pia wana kasi, wajuzi, na wanajua kupanga mashambulizi yaliyokamilika. Bila ‘faulo za kitaalamu’ si rahisi kuwashinda ila Yanga watawashinda tu.

CHILE YA TETEA TAJI LAO KWA MARANYINGINE KWA KUICHAPA ARGENTINA KWA PENATI

Chile imeichapa Argentina kwa mikwaju ya penati 4-2 kwenye fainali ya michuano ya Copa America Centenario na kulitetea taji lao walilolitwaa mwaka 2015, baada ya kushuhudia dakika 120 zililomalika bila miamba hiyo ya soka la Amerika ya Kusini kufungana.

Baada ya Sergio Romero kupangua mkwaju wa penati ya kwanza ya Chile iliyopigwa na Arturo Vidal, Lionel Messi aliishuhudia penati yake ikigonga ‘mtambaa panya’ na kuirudisha Chile mchezoni.

Golikipa wa Chile Claudio Bravo naye akaokoa mchomo wa penati ya Lucas Biglia wa Argentina kabla ya Francisco Silva kukandamiza mkwaju wake kambani na kuitangaza Chile bingwa wa michuano hiyo.

Gonzalo Higuain Higuani alikaribia kupa bao timu yake mapema dakika ya 21 baada ya Chile kufanya makosa kwenye safu yao ya ulinzi. Striker huyo wa Napoli akiwa yeye na golikipa, mpira aliou-chop ulitoka nje kidogo ya goli.

Dakika chache baadaye, Nicolas Otamendi alipata nafasi nyingine ya kuzifungua nyavu za Chile, lakini mpira alioupiga kwa kichwa kuunganisha free-kick ya Messi ulipiga nyavu za pembeni.

Dakika ya 28, Marcelo Diaz wa Chile alioneshwa kadi ya pili ya njano kisha kutolewa kwa kadi nyekundu baada ya kumchezea vibaya Messi na kuwaacha Chile wakipambana na Argentina huku wao wakiwa 10 uwanjani.

Kabla ya kwenda mapumziko, ilikuwa ni zamu ya kulambwa kadi nyekundu pale mlinzi wa timu hiyo Marcos Rojo alipotolewa uwanjani kwa kumkwatua Arturo Vidal.

Kipindi cha pili kila timu ilicheza kwa tahadhari ya juu baada ya kila upande kupoteza mchezaji mmoja wakati wa kipindi cha kwanza.

Argentina walipata nafasi adimu dakika ya 84 pale Sergio Aguero aliyetokea benchi aliunasa mpira na kuingia nao ndani ya box la Chile lakini shuti lake halikuzaa matunda.

Dakika za lala salama za muda wa kawaida, Chile walikaribia kupata bao lakini shuti la Alexis Sanchez liliwagonga mabeki.

Argentina walifanya shabulizi la kushtukiza, Messi akiwa anakimbia na mpira aliachia shuti ambalo lilikwenda nje na kuupeleka mchezo huo kwenye dakika za ntongeza kwa mara ya saba katika historia ya Copa America.

ZIFAHAMU TIMU ZILIZOINGIA HATUA YA ROBO FAINALI EURO 2016

Hatua ya 16 bora ya michuano ya EURO yamalizika tayari timu zote nane zilizoingia kwenye robo fainali tushazifahamu hii ni baaada ya June 27 2016 kucheza michezo miwili ya mwisho. inawezekana hukupata nafasi ya kufahamu timu nane zilizo fuzu katika hatua ya robo fainali,hizi ndio timu nane zilizofuzu katika fainali.

mechi za robo fainali zitaanza kuchezwa June 30 2016

MECHI YA YANGA VS TP MAZEMBE HAKUNA KIINGILIO:JERRY MURO

Mkuu wa idara ya Habari na Mawasiliano wa klabu ya Dar es Salaam Young Africans Jerry Muro ametangaza viingilio vya mechi yao ya Kombe la Shirikisho barani Afrika dhidi ya TP Mazembe itakuwa na kiingilio kati ya Tsh 7000 hadi 30000.

Taarifa zilizotoka June 26 kuelekea mchezo huo wa pili wa Kundi A lenye timu za MO Bejaiaya Algeria, TP Mazembe, Medeama ya Ghana na Yanga, uongozi wa klabu ya Yanga wametangaza kuwa mechi yao wameamua mashabiki waingie bure ili waweze kuishangilia timu yao.

Maamuzi hayo ya Yanga, wadau na mashabiki wa soka wanatafsiri kama ni maamuzi ya hasira na yanatajwa kuja kutokana na TFF imewakosea kuingia mkataba na Azam TV wa kurusha mechi hiyo live pasipo wao kushirikishwa, wakati wao wanaamini kuwa mechi hiyo ikioneshwa Dar es Salaam watakosa mapato.

SERENGETI BOYS WAMKOSHA NAPE

Timu ya taifa ya vijana chini ya miaka 17 ‘Serengeti Boys’ imepata ushindi wa magoli 3-0 dhidi ya Seychelles katika mchezo wa kuwania kushiriki fainali za mataifa ya Afrika kwa vijana.

Nickson Kabage, Ibrahim Abdallah na Ally Hussein ndiyo walifunga magoli ya Serengeti Boys kwenye mchezo huo.

Ushindi huo umemgusa pia Waziri mwenye dhamana ya michezo Mh. Nape Nnauye ambaye hakusita kuwapongeza vijana kwa ushindi walioupata.

Nape amesema“Kwanza tukubali kwamba wamecheza vizuri sana, wamecheza zaidi ya kile ambacho nilikuwa nakitarajia. Tunaamini mwanzo wao ni mzuri, walikwenda kwenye mashindano India na kufanya vizuri, wamefanya vizuri hapa na tunatarajia watafanya vizuri watakapokwenda Seychelles,”

Hata hivyo amendelea kusema kuwa “Tunayo matumaini makubwa na vijana hawa, kwanza nitoe wito kwamba ni vizuri tukaona matumaini yanayooneshwa na vijana hawa na tujitokeze kuwekeza kwao . Uwekezaji huu umeanza vizuri niwapongeze wote waliotufikisha hapa lakini pia nitoe wito kwa wengine sasa wawekeze ili twende mbali zaidi.”

Ameongeza kuwa“Sijawaahidi chochote lakini tunayo ya kufanya na tutafanya kupitia TFF.”

Serengeti Boys inatarajiwa kuondoka June 30 kuelekea Seychelles ambako kwa ajili ya mchezo wa marudiano July mbili .

MBEYA CITY YA SAJILI KIFAA KIPYA

Bado dirisha la usajili la Ligi Kuu soka Tanzania bara linaendelea kama kawaida, kwa sasa tumekuwa tukishuhudia vilabu mbalimbali vikitangaza kusajili wachezaji na vingine vikiendelea kuwania wachezaji na vilabu vingine.

Mbeya City hawajaishia kutangaza tu kufanikiwa kusaini mkataba wa miaka miwili wa udhamini na kampuni ya Binslum Tyre, bali wametangaza kumsajili Mohamed Mkopi kutoka Tanzania Prisons kwa mkataba wa mwaka mmoja.

Page 67 of 70