blog category

 

 

ALIKIBA AWAPA NENO WANAOMPAKAZIA AMEKOPI SEDUCE ME

Wakati Seduce me ikiendelea kukimbiza ambapo mpaka sasa imeweza kufikisha watazamaji milioni tano na kuahidi kuachia dude jipya endapo itafikisha watazamaji milioni kumi, Ali Kiba amewatolea povu watu wanaodai kuwa wimbo huo amekopi kutoka kwa jamaa huko ufilipino

“Kitu kizuri siku zote huwa kinapigwa mawe, wimbo huu ni wa kisasa ndio maana watu wanaongea sana na mimi nawaacha waongee ila wimbo sijakopi sehemu yoyote tu.”

“Kukopi wimbo kwangu haiwezekani na haitakuja kutokea kamwe, sababu huu wimbo nilianza kuandika huu wimbo kutoka Studio ila najua kuna watu wanataka kuuzima wimbo, sasa kwanini wanataka kuuzima wimbo wakati wa watu huu,” aliongeza.

Pia Kiba aliongeza juu ya uwezekano wa kutokea kwa Remix ya Seduce Me lakini hayo amesema bado yapo chini ya mipango na kama itatokea basi mashabiki zake wataona kila kitu.

“Pia kuna mipango ya kolabo na G Nako na kama itatokea Remix ya Seduce Me nitapenda pia tena natamani wasanii wote waweke sauti zao,” aliongeza.

SIRI YA LADY JAYDEE KU-RAP KWENYE ‘I MISS YOU’ HII HAPA

Malkia wa Bongo Flava Judith Wambura maarufu kama Lady Jaydee, amebainisha sababu zilizomfanya ku-rap katika ngoma yake mpya aliyoachia mapema wiki hii.

Akiongea Safari Media, amesema kuwa kama msanii huwezi kufanya vitu vilevile kila ili watu wakuone mpya lazima ubadilike.

“Sababu ya kufanya rap ni kwa sababu huwezi kufanya vitu vilevile kila siku, ili watu wakuone ni mpya na wapende kitu kipya lazima ufanye kitu ambacho ni tofauti na ulichokuwa unakifanya,” amesema Jide.Pia akaongeza kuwa verse ya kwanza ya ngoma hiyo imeandikwa na rapper One The Incredible.

Video ya ‘I Miss You’ inatarajiwa kutoka hivi karibuni na huu ni ujio wake mpya wa mrembo huyi ikiwa ni baada ya kuachia albamu yake ya saba, iitwayo ‘Woman’ mwezi w

TUNDA AKANUSHA KUTOA MIMBA

Mlimbwende Tunda ambaye ni gumzo kwenye mitandao ya kijamii kutokana na urembo wake, amekana taarifa za kutoa ujauzito ambao alionekana nao, na kusema hakuwa na mimba na hajawahi kupata ujauzito maishani mwake.

Akizungumza na Safari MediaTunda ambaye pia ni ‘video vixen’, amesema tumbo alilonalo lilikuwa ni kitambi kilichoongezeka kutokana na kunenepa, na kwa sasa anafanya mazoezi kuweza kurejesha mwili wake wa kawaida.

“Sina mimba na sijawahi kuwa mjamzito, hili tumbo nimeongezeka tu nina asili ya tumbo nikinenepa na tumbo linaongezeka, hizo tetesi za kutoa mimba ndo nazisikia kwako sijawahi kutoa mimba”, amesema Tunda.

Hivi karibuni mrembo huyo amekuwa akipost picha zinazomuonyesha na tumbo kubwa, hali iliyoibua gumzo kwa mashabiki kuwa huenda mrembo huyo anatarajia kupata mtoto

ALEXIS SANCHEZ AKINUKISHA ,ARSENAL IKIILAZA FC COLOGNE

Alexis Sanchez aliisaidia Arsenal kutoka nyuma na kupata ushindi wa mabao 3-1 dhidi ya klabu ya Ujerumani Cologne katika mechi ya Yuropa iliocheleweshwa kwa saa moja kutokana na matatizo ya mashabiki.

Sanchez ambaye karibia aihame klabu hiyo ili kujiiunga na Manchester City katika siku ya mwisho ya uhamisho , aliuchukua mpira nje ya eneo hatari na kuupinda huku kipa Timo akishindwa kuokoa mkwaju huo.

Mechi hiyo hatahivyo haikuanza katika muda iliopangiwa baada ya maelfu ya mashabiki wa Cologne kuwasili katika uwanja wa Emirates bila tiketi na baadaye kuzozana na wanaowakaribisha wageni ndani ya uwanja huo.

Na mechi ilipoanza , Cologne ilichukua uongozi baada ya Jhon Cordoba kumfunga kipa David Ospina akiwa maguu 40.

Mshambuliaji Olivier Giroud alipiga nje kichwa cha wazi akiwa maguu sita pekee karibu na goli .

Lakini mchezaji wa ziada Sead Kolasinac alisawazisha kabla ya Sanchez kufunga bao la pili.

Beki wa kulia wa Arsenal Hector baadaye alifunga bao la tatu huku kiungo wa kati wa Arsenal Jack Wilshere akiichezea klabu hiyo kwa mara ya kwanza tangu Agosti 2016.

OKWI AWEKA MIKAKATI YA KUINUFAISHA SIMBA

Mshambuliaji mwenye asili ya Kiganda, Emmanuel Okwi amefunguka na kudai kwa sasa hatazamii kucheza ili kupata kiatu cha dhahabu baada ya ligi kuisha bali malengo yake ni kuisaidia timu yake yake ya Simba SC kupata ushindi.

Okwi amefunguka hayo baada ya kutoka kwenye mchezo wa uliomalizika jana jioni kwenye uwanja wa Uhuru Dar es salaam kwa klabu yake kuichapa Mwadui FC ya Shinyanga mabao 3 -0 na kupata nafasi ya kurejea nafasi ya pili kwenye msimamo wa ligi kuu bara.

"Nawashukuru wacheaji wenzangu kwa ushirikiano na hivi sasa siangalii kupata kiatu cha dhahabu bali kuisaidi timu yangu kupata ushindi, lakini ikitokea kuwa nimepata nitashukuru".

Mabao ya Emmanuel Okwi dakika ya 7 na 67 yaliipa Simba uongozi kabla ya John Bocco kuhitimisha ushindi huo wa pili kwa Simba msimu huu kwa bao safi dakika ya 72.

Simba sasa imefikisha alama 7 ikiwa katika nafasi ya pili nyuma ya Mtibwa Sugar yenye alama 9. Mshambuliaji Emamanuel Okwi amefikisha mabao 6 katika michezo yake miwiwli aliyocheza huku John Bocco naye akifungua akaunti ya mabao ndani ya Simba.

Katika mchezo mwingine jana Mbeya City wakiwa nyumbani Sokoine Mbeya wameifunga Njombe Mji bao 1-0.

MOROCCO NA KENYA ZAWIKA VOLBALL YA WALEMAVU RWANDA

Mashindano ya voliboli ya walemavu kuwania ubingwa wa Afrika yameingia katika siku yake ya pili leo mjini Kigali timu ya Morocco ikiwa ya kwanza kujihakikishia tiketi ya robo fainali.Mwandishi wa BBC Yves Bucyana anasema timu ya Morocco imeendelea kuonyesha umahiri katika mashindano hayo.

Mechi iliyomalizika muda mfupi uliopita Morocco imeilima Afrika Kusini seti 3-0.Ushindi huu unafuatia ushindi mwingine wa jana Morocco ilipoizaba Kenya seti 3-0 za 25-21,25-19 na 25-18.

Mchezaji wa Kenya James Mang'erere akakiri kuzidiwa maarifa.Jana usiku pia Rwanda ilikandika Afrika kusini seti 3-0 25-10,25-16 na 25-17.Upande wa wanawake Misri ilichapwa na Kenya seti 3-2 huku Rwanda ikiichalaza DRC seti 3-0.

Mnamo mechi za leo, inayosubiriwa kwa hamu ni kati ya Rwanda na Kenya wanaume, mechi inachezwa usiku huu.

HAMILTON AIBUKA KINARA MICHUANO YA SINGAPORE GRAND PRIX

Lewis Hamilton amefanikiwa kushinda michuano ya Singapore Grand Prix mbele ya mpinzani wake mkubwa Sebastian Vettel.

Licha ya kushinda,Hamilton anataja michuano ya mwaka huu kuwa na upinzani mkali.

Hamilton, ambaye alianza mzunguko wa tano kwa kusuasua aliongoza baada ya Vettel kugongana na dereva mwenzake wa Ferrari Kimi Raikkonen.

Zilikuwa ni mbio za aina yake, alisema Hamilton .

''Vettel alitarajiwa kushinda lakini kwa kutereza kwake basi nikawa mshindi''

Hamilton ameshinda kwa alama 28.

GENNADY 'GGG' GOLOVKIN KUZICHAPA DHIDI YA SAUL 'CANELO' ALVAREZ

Pigano la uzani wa middleweight kati ya Gennady 'GGG' Golovkin dhidi ya Saul 'Canelo' Alvarez limetajwa kuwa la aina yake ikilinganishwa na lile lililodaiwa kuwa na mbwembwe kati ya Floyd Mayweather na bingwa wa UFC Conor McGregor.

Tayari tiketi zote za pigano hilo la Jumamosi zimeuzwa kwa £18,000 kila moja huku mataji mawili ya uzani wa middleweight yakipiganiwa na kuwa mojawapo ya mapigano yaliotarajiwa na wengi mjini Las Vegas.

Canelo Alvarez ambaye ameshindwa mara moja pekee katika mapingano zaidi ya 50 aliyoshiriki huku GGG akiwa hajashindwa katika mapigano yake yote na ndiye anayeshikilia mataji ya IBF na IBC katika uzani huo.

Kulingana na duru za pigano hilo Alvarez amelitaja kuwa pigano 'hatari' zaidi katika historia ya mapigano aliyoshiriki.

Hii ni taarifa yenye maana kubwa kwa bondia wa umri wa miaka 27 ambaye ameipigana ndondi za kulipwa kwa takriban miaka 12 huku akipoteza pigano moja pekee kwa aliyekuwa bingwa wa zamani katika uzani huo Floyd Manny Mayweather 2013.

Hatahivyo Canelo ambalo jina lake linamaanisha 'mdalasini' kutokana na nywele zake nyekundu alikuwa akivutia wengi kwani pigano lake la Mayweather limetajwa kuwa pigano la tatu kuu lililovutia kiwango cha juu cha watazamaji katika historia ya mchezo huo.

Page 7 of 67