SPORTS & ENTERTAINMENT

 

 

TYGA ATANGAZA UJIO WA ALBAMU YAKE MPYA

Tyga allianza mwaka 2018 kwa kuachia ngoma iitwayo ‘Temperature’ na kisha akatushushia remix ya ‘Ric Flair Drip’ akimshirikisha Offset.

Leo msani huyo anayeishi huko jjini Los Angels nchini Marekani ametangaza kuachia albamu mpya inayoitwa KYOTO na jina hilo ni mji maarufu wa Japan..

Albamu hiyo itaachiwa rasmi Februari 16 mwaka huu na msanii huyo pia ameonyesha mchoro rasmi utakao tambulisha albamu hiyo kwa kuposti katika kurasa zake za Instagram na kuandika kwamba “This album is me opening my heart to you and I hope you enjoy it and love it as much as I do.”

My new Album KYOTO drops FEB 16❤️ I been wanting to make this album for a while now but didn’t have the confidence and the story to express my true emotions.I thank all the love and support you have given me over the years. Thru my ups and downs,At My highest and my lowest points.Thru my brightest and darkest hours.This album is me opening my heart to you and I hope you enjoy it and love it as much as I do❤️ THANK YOU GOD ALWAYS . Thank You Hajime Sorayama for allowing me to share this experience with the world thru your creative art & my vision. #HajimeSorayama #KYOTO FEB 16 Pre order link in bio now.

WACHEZAJI WA CRYSTAL PALACE WALIOMKABILI KEVIN DE BRUYNE HAWATACHEZA TENA MSIMU HUU

Wachezaji wawili wa Crystal Palace Scott Dann na Jason Puncheon hawatacheza tena msimu huu baada yao kuumia sana kwenye kano za goti wakimkabili mchezaji nyota wa Manchester City Kevin de Bruyne, meneja wao Roy Hodgson amesema.

Dann ambaye ni nahodha aliondolewa uwanjani kwa machela wakati wa mechi hiyo ambayo ilimalizika kwa sare tasa Jumapili. Dann na Puncheon wote wawili walipewa kadi za manjano kwa kumchezea visivyo De Bruyne.

Dann, 30, kutoka alimkaba Mbelgiji huyo nje ya eneo la hatari naye Puncheon, 31, alifika kuzuia City wasijibu shambulizi baada ya mkwaju wa penalti wa dakika za lala salama wa Luka Milivojevic kuokolewa na Ederson.

De Bruyne alipata nafuu na aliweza kuanza kwenye kikosi cha City kilichowalaza Watford 3-1 Jumanne.

Palace nao walifanikiwa kutoka nyuma na kulaza Southhampton 2-1 siku hiyo.

Hodgson alisema kabla ya mechi hiyo kuanza kwamba ana wasiwasi sana kutokana na majeraha kikosi chake na kwamba mechi nyingi msimu wa Krismasi zilikuwa mzigo kwa wachezaji wake.

TETESI ZA SOKA JUMANNE 23.01.2018

Manchester City inamtaka Aymeric Laporte na inafikiria kutimiza kipengee cha kumruhusu beki wa kati huyo raia wa Ufaransa mwenye umri wa miaka 23 kilichotolewa na Athletic Bilbao cha Pauni milioni 60.

Borussia Dortmund inamtaka mshambuliaji raia wa Ufaransa wa timu ya Arsenal Olivier Giroud, mwenye umri wa miaka 31, kama sehemu ya kubadilishana na mchezaji raia wa Gabon Pierre-Emerick Aubameyang, mwenye umri wa 28, - au wasitishe mpango huo hadi msimu wa joto.

Chelsea inatafakari kuvunja sera ya kutolipa malipo ya uhamisho kwa wachezaji wake kando na makipa walio na umri wa miaka 30, kumsajili mshambuliaji wa Bosnia Edin Dzeko, 31, kutoka Roma. Upande wa Antonio Conte huenda ukakamilisha makubaliano ya mara mbili ya Dzeko na mchezaji wa Roma Italia wa kiungo cha beki kushoto Emerson Palmieri, mwenye umri wa miaka 23, kwa thamani ya pauni milioni 44.

Dzeko apewa kadi nyekundu kwa kumvua mwenzake suruali

Eden Hazard ainusuru Chelsea katika sare ya 3-3 dhidi ya Roma

Kane na Kante waorodheshwa kushindania Ballon d'Or

Au Chelsea itawalipia wachezaji wote wawili pauni milioni 50.

Crystal Palace imeanzisha mazungumzo na Inter Milan kuhusu makubaliano ya zaidi ya pauni milioni 8.5 kumsajili mchezaji wa kiungo cha mbele Eder, mwenye umri wa 31.

Newcastle ipo tayari kusaini uhamisho wa mkopo wa winga wa Chelsea raia wa Brazil Kenedy, mwenye umri wa miaka 21, katika saa 24 zijazo.

WAZIRI MKUU APOKEA VIFAA VYA MASHINDANO YA MAJIMBO

Waziri Mkuu Kassim Majaliwa amepokea vifaa vya michezo vyenye thamani ya sh. milioni 50 kwa ajili ya kuanzisha mashindano ya mpira wa miguu kwa majimbo ya mkoa wa Dar es Salaam.

Vifaa hivyo vimetolewa na Muwakilishi wa Jimbo la Uzini, Mohammed Raza na Muwakilishi wa kuteuliwa Bw.Ahmada Yahya Abdulwakili, ambapo mara baada ya kupokea vifaa hivyo alivikabidhi kwa Mkuu wa Mkoa wa Dar es Salaam Bw. Paul Makonda.

Amepokea vifaa hivyo jijini Dar es Salaam leo (Jumanne, Novemba 28, 2017), mashindano hayo yatakayoratibiwa na Chama Cha Mapinduzi (CCM) yatahusisha vijana kutoka majimbo yote 10 ya mkoa wa Dar es Salaam.

Waziri Mkuu amewapongeza Bw. Raza na Bw. Ahmada kwa kuona umuhimu wa vijana kushiriki katika michezo na kuamua kudhamini mashindano hayo, ambapo mshindi wa kwanza atapata zawadi ya gari aina ya Carry lenye thamani ya sh. milioni saba.

Amesema mashindano hayo yatawawezesha vijana kupata fursa ya kuonyesha na kukuza vipaji vyao na kusisitiza kwamba michezo ni muhimu kwani ni sehemu ya utekelezaji wa Ilani ya uchaguzi ya CCM ya mwaka 2015-2020 na pia inakuza ajira, hivyo ameagiza mashindano hayo yasimamiwe kikamilifu kwa kufuata sheria za Shirikisho la Soka Duniani (FIFA).

Akizungumza baada ya kukabidhi vifaa hivyo, Bw. Raza amesema sababu ya kudhamini mashindano hayo upande wa Zanzibar na Tanzania Bara ni kumuunga mkono Rais Dkt John Magufuli katika utekelezaji wa ilani.

Amesema mashindano kama hayo yalifanyika kwa mafanikio makubwa Zanzibar ambapo Raza na wanaCCM wenzake waliyadhamini. Hivyo ametoa wito kwa wafanyabiashara kudhamini mashindano kama hayo ili kuwawezesha vijana kukuza vipaji vyao.

Kwa upande wake Bw. Makonda alimuahakikishia Waziri Mkuu kwamba watayasimamia kikamilifu mashindayo kwa sababu ni chachu ya kukuza vipaji vya mpira wa miguu mkoani Dar es Salaam.

MBIO ZA BAISKELI AFRIKA ARERUYA JOSEPH ASHIDA TUZO KUU

Areruya Joseph amekuwa Mwafrika wa pili kushinda shindano la Latropicale Amissa Bongo ambalo ndilo la kwanza kubwa kwenye kalenda ya mashindano ya mbio za baiskeli barani Afrika.

Mashindano yalidumu kwa siku saba, washindani wakizunguka maeneo tofauti ya nchi ya Gabon.

Kwa ujumla Areruya alishinda mbio hizo akimzidi mpinzani wake mkuu, Mjerumani Holler Nikodemus, kwa sekunde 18.

Nikodemus alikuwa anawakilisha timu ya Bike Aid ya Ujerumani.

Mwafrika wa kwanza kunyakua ubingwa wa mashindano hayo alikuwa - Nathanael Berhane kutoka Eritrea akichezea timu ya Europcar inayoshiriki mashindano ya baiskeli barani Ulaya.

Areruya Joseph, 23, mwishoni mwa mwaka uliopita alishinda shindano la Tour of Rwanda ambalo ni la pili kwenye kalenda ya shirikisho la mchezo wa mbio za baiskeli barani Afrika na ameorodheshwa mchezaji bora wa pili barani Afrika.

SANCHEZ NA OZIL BADO WASALIA ARSENAL

Meneja wa klabu ya Arsenal, Arsene Wenger amesema wachezaji wake, Alexis Sanchez na Mesut Ozil wataendelea kusalia katika timu hiyo na kamwe hawatoondoka dirisha la usajili la mwezi Januari.

Meneja huyo wa The Gunners, Wenger amesema hakuna uwezekano wowote kwa wachezaji hao wa kimataifa wa Chile na Ujeruman kuondoka Emirates katika dirisha hili lijalo la usajili kutokana na makubaliano waliyoafikiana toka mwanzo mwa msimu.

Arsene Wenger ameyasema hayo wakati wakielekea katika mchezo wao wa hapo kesho dhidi ya Huddersfield “Huwa sifikirii kama wataondoka lakini kwakuwa bado wapo hapa tutalazimika kuwapatia kila mahitaji muhimu watakayo hitaji kupewa ndani ya klabu.

“Ndani ya kichwa changu ninachofahamu tutaendelea kuwa nao hadi mwishoni mwa msimu. Hayo nimaamuzi ambayo tumeyafanya tangu mwanzoni mwa msimu vinginevyo kutokee kitu kisichotarajiwa.”

LADY JAYDEE AELEZA KWANINI HATOI NGOMA ‘BACK TO BACK’

Mwanamuziki Lady Jaydee amesema ni kwanini hatoi ngoma kila mara. Muimbaji huyo amesema si utaratibu ambao ameuzoea katika muziki wake na wale wanaofanya hivyo si vibaya pengine kuna faida wanayoipata huko.

“Mimi huwa sitoi ngoma hivyo, huwa sitoi ngoma kila siku, kwa hiyo kwa wanatoa ngoma kila siku wanazo sababu zao pia labda wenyewe wanaweza wakaelezea ni kwanini pengine inaweza ikawa na manufaa kwao ndio maana wanafanya vile,” amesema.

Lady Jaydee ambaye anafanya vizuri na wimbo ‘Baby’, wimbo huo umepishana takribani miezi mitatu na I Miss You.

HARMONIZE KUDONDOSHA DUDE NA SARKODIE

Msanii wa muziki wa Bongo Flava kutoka label ya WCB, Harmonize ameingia location kufanya video na rapper kutoka nchini Ghana, Sarkodie.

Muimbaji huyo ambaye anafanya vizuri na ngoma ‘Shulala’ ambayo amemshirikisha Korede Bello kutoka Nigeria amezidi kuonyesha njaa ya kutusua kimataifa.

Kupitia ukurasa wake wa mtandao wa Instagram ame-share video fupi inayowaonyesha wakiwa location na kuandika;

Harmonize anaingia katika orodha ya wasanii kutoka Afrika Mashariki kufanya kolabo na Sarkodie baada ya Victoria Kimani kutoka nchini Kenya.

Utakumbuka mapema mwezi huu Harmonize alionekana tena location akifanya video na Yemi Alade kutoka nchini Nigeria.

Page 3 of 70