blog category

JESHI LA ISRAEL LASHAMBULIA MAENEO YA HAMAS

Israel imeyashambulia maeneo yanayodhibitiwa na kundi la Hamas katika Ukanda wa Gaza mapema leo baada ya jeshi kusema vilipuzi kadhaa vimelipuka katika eneo la mpakani na Gaza.

Jeshi la Israel na msemaji wa wizara ya afya ya Gaza Ashraf al-Qedra wamesema hakuna Mpalestina yeyote wala mwanajeshi wa Israel aliyejeruhiwa katika mashambulizi hayo. Mashambulizi ya mara kwa mara yameongezeka katika mpaka kati ya Israel na Gaza tangu rais wa Marekani Donald Trump alipoitangaza Jerusalem kuwa mji mkuu wa Israel na hivyo kuibua ghadhabu miongoni mwa Wapalestina. Kundi la Hamas halijadai kuhusika na vilipuzi hivyo.

WANAWAKE 15 WAPIGANAJI WA IS WAHUKUMIWA KIFO IRAQ

Mahakama nchini Iraq imewahukumu kifo wanawake 15 raia wa Uturuki, baada ya kupatwa na hatia ya kujiunga na kundi la Islamic State.

Baadhi ya ripoti zinasema kuwa wanawake 15 walipewa hukumu ya kifo, na wengine wakahukumiwa kifungo cha maisha.

Wanawake hao walikiri kuolewa na wapiganaji wa Islamic State au waliwasaidia kufanya mashambulizi ya kigaidi.

Maelfu ya raia wa kigeni wamepigana na kuuliwa wakipigana na IS nchini Iraq na Syria.

Serikali ya Iraq imatangaza kumalizika kwa vita vyake na kundi hilo mwezi Disemba. Licha ya IS kutimuliwa kutoka ngome zake kuu, kundi hilo limeendelea kufanya mashambulizi ya kujitoa mhanga na mashambulizi mengine.

Wanawake hao wanaotajwa kuwa kati ya umri wa miaka 20-50, walikuwa wamevalia nguo nyeusi wakiwa mahakamani mjini Baghdad siku ya Jumapili. Wanne walikuwa na watoto wadogo.

Mmoja alimuambua jaji kuwa alikuwa amewapiga vita wanajeshi wa Iraq akiwa na IS.

Takriban wanawake 560 na watoto 600 wamezuiliwa nchini Iraq kwa kushukiwa kuwa wapiganaji au jamaa za wapiganaji wa IS.

Mapema mwezi huu mwanamke raia wa Uturukialikuhukumiwa kifo na wengine 10 wakahukumiwa kifungo cha maisha jela.

MAY KUKUTANA NA MACRON KUJADILI SUALA LA SKRIPAL

Waziri Mkuu wa Uingereza Theresa May atakutana leo na rais wa Ufaransa Emmanuel Macron baada ya Ufaransa kusema ni mapema mno kuamua iwapo hatua inatakiwa kuchukuliwa

kufuatia shambulizi dhidi ya jasusi wa zamani wa Urusi Sergei Skripal na mtoto wake wa kike nchini Uingereza.

Msemaji wa Ufaransa amesema maamuzi yatapitishwa mara tu itakapodhirika Urusi ilihusika.

Ufaransa imesema leo inakubaliana na Uingereza kwamba Urusi ilihusika katika shambulizi la sumu dhidi ya jasusi wake wa zamani huko England.

Wakati haya yakiarifiwa Urusi imesema bado iko tayari kushirikiana na Uingereza kuchunguza shambulizi hilo dhidi ya afisa wake wa zamani wa ujasusi. Uingereza imesema itawafukuza maafisa 23 wa kidiplomasia wa Urusi na kuiwekea vikwazo nchi hiyo kuiadhabu kwa kumtilia gesi ya sumu Skripal na mtoto wake wa kike, madai ambayo Urusi inayakanusha.

KAMPUNI YA CHINA GREELY, YANUNUA HISA NYINGI KWENYE MERCEDES-BENZ

Kampuni ya kuunda magari ya China Geely, imekuwa mwekezaji mkubwa kwenye kampuni mmiliki wa magari ya Mercedes-Benz, Daimler, ikisema ina matumaini ya kushirikiana na kampuni hiyo kubwa ya Ujerumani katika kuunda magari ya yanayotumia umeme.

Hisa za Geely zilipanda huko Hong Kong baada ya makubaliano ya kununua asilimia 10 ya kampuni ya Daimler kutangazwa wikendi.

Kampuni hiyo ya China tayari inamiliki kampuni yote ya kuunda magari ya Sweden, Volvo.

Mwenyekiti Li Shufu anatarajia kukutana na maaafisa wa Daimler leo Jumatatu na maafisa wa serikali ya ujerumani baadaye wiki hii.

China inaaminika kwa na soko muhimu zaidi duniani kwa makampuni ya kuunda magari.

Katika taarifa ya Greely, Bw Li alisema anataka kuandamana na Daimler katika kuwa kanpuni kubwa zaidi kuunda magari wa umeme duniani.

Pia mwishoni mwa wiki, Daimler ilitangaza dola bilioni 1.9 za kuwekeza katika ushirikiano na kampuni nyingine ya magari ya China BAIC.

Pesa hizo zitatumiwa katika kuboresha kiwanda cha BAIC cha kuunda magari ya Mercedes yakiwemo yanayotumia umeme.

Wiki iliyopita kampuni nyinginje ya Ujerumani ya BMW ilitangaza maafikiano na kampuni ya China, Great Wall Motor, kununua magari ya umeme kwa soko la China.

VITA VYA SYRIA VYAINGIA MWAKA WAKE WA NANE

Mgogoro wa vita vya Syria umeingia mwaka wake wa nane hii leo wakati nchi hiyo ikioonekana kugawanywa na mataifa yenye nguvu duniani.

Uturuki imeuzingira mkoa wa kaskazini wa kikurdi wa Afrin, huku majeshi ya serikali yanayoungwa mkono na Urusi yakishambulia eneo linalodhibitiwa na waasi karibu na mji mkuu wa Damascus.

Umwagaji damu, ambao umeharibu maeneo mengi ya Syria tangu vita hiyo ianze tarehe kama ya leo mwaka 2011, wakati serikali ya rais Bashar Al-Assad ilipokabiliana na maandamano ya amani, umegeuka kuwa moja ya mgogoro migumu kabisa duniani.

Katika mapigano ya karibuni, majeshi yanayoungwa mkono na Uturuki yameanzisha mashambulizi ya mabomu kwenye mkoa wa Afrin karibu na mji mkuu wa jimbo hilo, katika mashambulizi ambayo yanaweza kubadili ramani ya kaskazini mwa Syria.

Maendeleo hayo yalikuja wakati vikosi vya serikali na mshirika wake Moscow, kufanikiwa kuingia katika mji muhimu kwenye eneo linalodhibiwa na waasi huko Ghouta mashariki usiku wa Jumatano, na kusonga zaidi kwenye eneo la mwisho la upinzani nje ya Damascus.

Jumla ya raia 350,000 wameuawa tangu vita ianze

Zaidi ya raia 1,220, theluthi tano wakiwa watoto wameuawa katika eneo hilo la waasi tangu vikosi vya serikali vilipozindua mashambulizi ya angani na ardhini mnamo februari 18.

Jitihada za kimataifa mara kadhaa zimeshindwa kumaliza moja ya vita mbaya katika karne, ambapo watu zaidi ya 350,000 wameuawa tangu kuanza kwake na nusu ya wakazi wa kabla ya vita karibu milioni 20 hawana makazi.

Wakati miezi michache ya karibuni ilishuhudia anguko la kundi la Dola la Kiislamu IS, lililotangazwa mwaka 2014 katika baadhi ya maeneo ya Syria na Iraq, mataifa yaliyo na nguvu tangu wakati huo yamefikiria kuondoa ongezeko la ushawishi wake katika ukanda huo.

Wakurdi wanaoungwa mkono na Marekani wandhibiti eneo lenye utajiri wa mafuta kaskazini mashariki mwa syria ambayo ni sawa na asilimia 30 ya nchi na waasi wa Kiarabu wanaoungwa mkono na Uturuki wakikata theluthi tatu kaskazini magharibi.

Ankara ambayo ilianzisha mashambulizi makali ya angani na ardhini dhidi ya mkoa unaokaliwa kwa wingi na Wakurdi wa Afrin, iliapa siku ya jumatano kwamba ukombozi wa mji mkubwa utakuwa umekamilika ifikapo jioni.

SYRIA YATUMIWA GESI YA KLORINI

Maafisa wa Afya nchini Syria katika maeneo ya waasi yaliyozingirwa kaskazini mwa Ghouta wamesema watu kadhaa wamedhurika kutokana na na dalili zinazoonesha kuathiriwa na gesi ya Klorini, wakati wa mashambulizi yaliyokuwa yakifanywa na majeshi yanayounga mkono serikali.

Taaarifa iliyotolewa na Wizara ya Afya inayoendeshwa na wapinzani imesema waathirika, madereva wa magari ya kubeba wagonjwa na watu wengine wameripotiwa kuvuta gesi hiyo ya Klorini baada ya mlipuko.

Watu 18 wanatibiwa kwa kuwekewa Oxygen.

Dokta Mohammed Khatoub aliyeko Uturuki, ambaye anatokea katika mji wa Ghouta ameelezea uthibitisho wa hospital wanakotibiwa majeruhi hao, kwamba wameathiriwa na gesi hiyo.

Hata hivyo Serikali ya Syria siku zote imekuwa ikikanusha kutumia silaha za kemikali.

Mashambulizi ya ardhini yalipamba moto jana Jumapili, licha ya Baraza la Usalama la Umoja wa Mataifa kutaka kusimamishwa kwa mapigano hayo.

UPIGAJI MARUFUKU WA ADHANA WAZUA HISIA KALI KIGALI RWANDA

Wito kwa Waislamu kuhudhuria maombi} katika tarafa moja ya mji wa Kigali nchini Rwanda imepingwa vikali na baadhi ya Waislamu jijini humo.

Utawala katika tarafa ya Nyarugenge kunakopatikana jamii kubwa ya Waislam nchini humo umebainisha kuwa kumekuwepo muafaka wa kubadili mbinu za kuwaita waumini bila ya matumizi ya njia hiyo ambayo inatajwa kuwasumbua wananchi.

Kulingana na mwandishi wetu mjini Kigali John Gakuba wito huo wa Waislamu kuhudhuria maombi umetajwa kuwa kero miongoni mwa wananchi.

Tayari mkataba wa kuhakikisha kuwa mwafaka huo unaheshimiwa umetiwa saini kati ya viongozi wa msikiti na utawala wa eneo hilo.

Wito huo wa mamombi miongoni mwa jamii za Waislamu kote duniani hutumia vipaza sauti na hufanyika mara tano kwa siku.

Licha ya utawala wa eneo hilo kudai kwamba kumekuwa na mwafaka kutoka pande zote mbili baadhi ya Waislamu waliohojiwa wametoa hisia tofauti.

Kulingana na katibu mtendaji wa tarafa hiyo ya Nyarugenge, amri hiyo iliagizwa yapata miaka maiwili iliopita lakini ikapuuziliwa mbali.

Naye mshauri wa Mufti wa Rwanda shekh Mbarushimana Suleinam alisema kuwa hatua hii ya kuzuiliwa kwa matumizi ya adhana misikiti inafuatia operesheni inayoendela ya kufungwa kwa makanisa na vigango Zaidi ya mia saba ambavyo viliripotiwa kuwa havijatimiza kanuni za ujenzi na amri ilitolewa kwanza kutimiza matakwa ili zipewe tena idhini ya kufanya kazi.

SERIKALI YA NIGERIA YAONGEZA NGUVU KUWASAKA WASICHANA WALIOTEKWA

Mamlaka nchini Nigeria imesema imeongeza nguvu ya ndege za kivita ili kuweza kuwasaka wanafunzi wasichana waliotekwa Kaskazini Mashariki mwa nchi hiyo.

Serikali inasema takriban wasichana 110 hawajulikani walipo baada ya wanamgambo wa kiislam kuwateka katika shule yao iliyopo Dapchi.

Mapema serikali ya kijiji hicho ilililaumu jeshi kwa kushindwa kuchukua hatua hata baada ya kupewa taarifa.

Rais Muhammadu Buhari ameelezea tukio hilo kama janga la taifa.

Hasira zimekuwa zikiwapanda wazazi wa wasichana hao huku kukiwa na ripoti kuwa wanajeshi walikuwa wameondolewa kutoka kwa vizuizi vikuu vya Dapchi mwezi uliopita.

Dampchi ambao ni mji ulio kilomita 275 kaskazini magharibi wa Chibok, ulishambuliwa siku ya Jumatatu, na kusababisha wanafunzi na walimu kutoka shule moja ya serikali kukimbiliaa vichakani.

Wenyeji wanasema vikosi vya jeshi la Nigeria vikisaidiw na ndege za vita baadaye vilizima uvamizi huo.

Mamlaka awali zilikana kuwa wasichana hao walikuwa wametekwa, zikisema kuwa walikuw wamejificha kutoka kwa wanamgambo hao.

Page 2 of 104