blog category

MWANDISHI WA NIGERIA ATWAA TUZO YA KOMLA DUMOR

Mwandishi wa habari kutoka kaskazini mashariki mwa Nigeria ameshinda tuzo ya Komla Dumor.

Amina Yuguda ni mtangazaji katika kituo runinga cha eneo hilo cha Gotel, ambapo ameripoti kuhusu masuala kadha makuu ikiwemo kuhusu kundi la Boko Haram.

Yuguda atasafiri kwenda London kwa mafunzo ya miezi matatu mwezi Septemba.

Tuzo hili lilibuniwa kwa heshima ya Komla Dumor, mtangazaji wa runinga ambaye alifariki ghafla akiwa na miaka 41 mwaka 2014.

Bi Yuguda amesema kuwa ushindi wake ni heshima kubwa.

"Kwa kisomo kidogo au kutokuwa na kisomo kabisa, wananchi wenzangu wanaelewa masula kadha ikiwemo uongozi wa Trump nchini Marekani, Korea Kaskania, Urusi chini ya Vladimir Putin na mengine mengi". Anasema Amina.

Washindi wa awali wa tuzo la Kumla Dumor ni pamoja na mtangazaji raia wa Uganda Nancy Kacungira na mwandishi wa masuala ya biashara kutoka Nigeria Did Akinyelure

CARIBBEAN WAJIANDAA KWA KIMBUNGA KINGINE KIKUBWA

Kimbunga Maria kinatarajiwa kuwa kibunga hatari wakati kinakaribia visiwa vya Leeward eneo la Caribbean.

Kimbunga hicho cha kiwango cha kwanza kitapata nguvu kwa haraka ndani ya saa 48 zinazokuja na kugonga visiwa hivyo baadaye leo Jumatatu.

Kimbunga hicho kinapitia eneo ambalo kimbunga Irma kilipitia.

Onyo la kimbunga limetolewa maeneo ya Guadeloupe, Dominica, St Kitts na Nevis, Montserrat na Martinique.

Tahadhari ya kimbunga kwa sasa inachukuliwa nchini Marekani na visiwa vya Uingereza vya Virgin, St Martin, St Barts, Saba, St Eustatius na Anguilla.

Baadhi ya visiwa hivyo bado vinajaribu kurejea hali ya kawadia baada ya kupigwa na kimbunga cha kiwango cha tano, kilichosababisha vifo vya takriban watu 37 na hasara ya mabilioni ya dola.

TRUMP AMKALIA KOONI RAIS MADURO

Rais wa Marekani Donald Trump amesisitizia wito wa kurejesha katika hali ya kawaida uhuru wa kisiasa na demokrasia nchini Venezuela.

Akizungumza na viongozi wa Amerika ya kusini mjini New York, Rais Trump amesema atachukua hatua zaidi, dhidi ya kile alichokiita utawala wa kidikteta wa Rais Nocolas Maduro.

Amesema watu wa Venezuela wamekuwa wakikosa chakula na nchi yao kizidi kuharibika, licha ya awali kuwa ni nchi tajiri.

Mwezi uliopita serikali ya Marekani iliiwekea Venezuela vikwazo vipya vya kifedha.

Aidha ilimuwekea pia vikwazo Rais Maduro na baadhi ya wasaidizi wake wa karibu, kwa kile ilichokiita kuwa ni diktekta.

13 WAUAWA KWA AJALI NCHINI UGANDA

Watanzania 13 wamefariki na wengine nane kujeruhiwa katika ajali iliyotokea usiku wa kuamkia leo katika eneo la biashara Lubanda takribani kilomita 80 kufika kituo cha polisi cha Fika salama karibu na Mto Katonga wilaya ya Mpigi huko Kampala, Uganda.

Ajali hiyo imehusisha gari aina ya fuso yenye namba za usajili UAH 970P na coaster yenye namba T540 DLC waliokuwa wakitumia watu hao wakiwemo watanzania ambao inasemekana walikuwa wakitoka kwenye harusi ya binti wa Dkt. Annette Ibingira ambaye ni mke wa mhazini wa shule ya Wazazi ya Kampala nchini Uganda Dkt. Ibingira.

Majeruhi wa ajali hiyo wamepelekwa katika hospitali ya Nkozi pamoja na Double Cure Clinic zilizopo nchini Uganda huku miili ya watu waliopoteza maisha katika ajali hiyo imepelekwa hospitali ya Gombe kwa ajili ya kufanyiwa uchunguzi nchini humo.

UHABA WA MAFUTA WATATIZA USAFIRI WA NDEGE NEW ZEALAND

Maelfu ya abiria walikwama kwenye uwanja wa ndege wa Auckland nchini New Zealand leo Jumatatu, baada ya bomba la mafuta kupasuka na kusababisha uhaba wa mafuta ya ndege kwenye uwanja wa ndege.

Bomba lililopasuka ndilo peke yake linalopeleka mafuta uwanjani humo.

Tatizo hilo linatarajiwa kudumu wiki moja wakati jitihada zinafanyika kulikarabati bomba hilo

Kumekuwa na ugavi wa mafuta na mashirika mengi ya ndege huongeza ndege zao mafuta nchini Australia na sehemu zingine kwa ndege zinazosafirisha miendo mirefu.

Kulingana uwanja wa ndege wa Aukland unaowahudumia wateja milioni 18 kila mwaka, ni kuwa kampunii za mafuta ndiyo uhusika na usafirishaji wa mafuta yanayotumiwa na ndege na kuwa uwepo wa mafuta hayo umeshuka.

Shirika la Air New Zealand linasema kuwa abiria 2000 walioathiriwa na kufutwa kwa safari leo Jumatatu.

Sawa na Air New Zealand mashirika ya Qantas, Cathay Pacific na Emirates yamesema kuwa badhi ya safari zimeathiriwa na uhaba huo wa mafuta.

Takriban safari 27 za kigeni na za ndani ya nchi zilifutwa mwishoni mwa wiki hii nchini New Zealand.

MAREKANI KUFUNGA UBALOZI WAKE CUBA

Waziri wa mambo ya nje wa Marekani Rex Tillerson amesema Washington inathamini iwapo ifunge ubalozi wake nchini Cuba, baada ya kutokea mlolongo wa mashambulizi ya kelele kwa wafanyakazi wake.

Sasa zaidi ya wafanyakazi 20 wa ubalozi wa Marekani wameripotiwa kuwa na matatizo ya kupoteza uwezo wa kusikia au kupatwa na mfadhaiko kutokana na sauti hiyo.

Marekani imeiambia Cuba kuwa ina jukumu la kuwalinda wafanyakazi wote wakigeni wakiwemo .

Cuba imekana kuhusika na swala hilo huku uchunguzi zaidi ukiendelea .kujua chanzo cha watu hao kukumbwa na matatizo hayo ya kiafya wanayoyauzungumzia.

MZOZO WA MAJI YA MTO WASHIKA SURA MPYA BAINA YA UCHINA NA INDIA

Uchina na India ziliweza kukanusha juu ya uwezekano wa mzozo wa mpaka, lakini uhasama huo unaonekana kusababisha mzozo mwingine juu ya raslimali muhimu ya maji

Serikali ya Delhi inasema kuwa bado haijapokea data za uchunguzi wowote wa kisayansi juu ya hifadhi ya maji - kwa ajili ya uchunguzi wa ugavi, mifumo wala ubora wa maji uliofanyika katika mto Brahmaputra ambao chanzo chake kiko Uchina katika kipindi hiki , kinyume na makubaliano.

Moja ya mito mikuu barani Asia Brahmaputra, unatokea eneo la Tibet na kumwaga maji yake nchini India kabla ya kuingia Bangladesh ambako huungana na vijito vidogo na kuishia Bengal.

Serikali ya Beijing imesema kuwa vituo vyake vya maji vinaboreshwa hii ikimaanisha kuwa haiwezi kushirikisha nchi nyingine taarifa zake.

Suala la data/ taarifa za mto huo baina ya Uchina na India linakuja baada ya nchi mbili kumaliza mzozo baina yao juu ya mpaka unaozozaniwa wa Himalaya ambao ulidumu kwa zaidi ya miezi miwili.

Mto Brahmaputra hupata mafuriko katika kipindi cha kipupwe kila mwaka , na kusababisha hasara kubwa katika maeneo ya Kaskazini mashariki mwa India na Bangladesh. nchi mbili zina makubaliano na Uchina yanayoitaka nchi yenye chanzo cha mto huo kushirikisha nchi nyingine data /taarifa juu ya mto huo wakati wa kipindi cha kipupwe baina ya tarehe 15 Mei na 15 Oktoba.

Kwa kawaida data hizo zinapaswa kuwa juu ya kiwango cha maji ya mto ili kutahadharisha nchi nyingine wakati wa mafuriko.

Serikali ya India imeomba ipewe data kuhusu namna maji yanavyotiririka katika mto Bramahaputra katika misimu mingine , kwasababu kuna shaka nchini India kwamba Uchina inaweza kuelekeza maji ya mto huo katika majimbo yake mengine nyakati za kiangazi.

Wakazi wa Dibrugarh katika Assam, ambako mto huo ni mpana zaidi , wanasema wameshuhudia viwango maji katika mto huo vikishuka sana na kupanda sana kwa kipindi kifupi.

Kutokana na visa vya mafuriko na maporomoko ya ardhi ya mara kwa mara katika maeneo ya mto Bramahaputra uliopo karibu na milima ya Himalaya nchi zote zinahitaji data za maji ya mto huo ili kuepuka majanga hususan wakati wa msimu wa kipupwe.

KOREA KASKAZINI YAKAIDI AGIZO LA UMOJA WA MATAIFA YAFYATUA KOMBORA KUPITIA ANGA YA JAPAN

Korea Kaskazini imefyatua kombora la masafa marefu kupitia anga ya kisiwa cha Hokkaido nchini Japan.

Jeshi la Korea Kusini limesema kuwa kombora hilo limefyatuliwa kutoka maeneo ya karibu na mji mkuu wa Pyongyang.

Jaribio hilo linakuja siku chache tu baada ya baraza la Usalama la Umoja wa mataifa kuidhinisha vikwazo zaidi dhidi ya Korea Kaskazini.

Waziri wa mashauri ya nchi za kigeni wa marekani Rex Tillerson ametoa wito kwa China na Urusi kuchukuwa hatua za moja kwa moja dhidi ya Pyongyang, huku waziri mkuu wa Japan Shinzo Abe akitaja jaribio hilo la hivi punde kuwa ni kitendo cha kuudhi.

China na Urusi lazima zionyeshe kwamba zimechoshwa na hatua ya Korea Kaskazini kuendelea kufanyia majaribio makombora yake kwa kuichukulia hatua ya moja kwa moja.

Dakika chache baada ya ufyatuzi huo Korea Kusini ilifyatua makombora mawili ya masafa marefu baharini katika hatua ya kuionya Korea Kaskazini kulingana na chombo cha habari cha Yonhap.

Kulingana na makadirio ya awali, kombora hilo lilirushwa juu zaidi ya lile lililorushwa mnamo Agosti tarehe 29 ambalo Pyongyang ilionya ni operesheni yake ya kwanza ya kijeshi katika eneo la Pacific.

Waangalizi wanasema kuwa kombora hilo ni la masafa ya wastani , ijapokuwa maafisa wa Japan wanasema kuwa kuna uwezekano mkubwa kwamba ni kombora la masafa marefu linaloweza kurushwa kutoka bara moja hadi jingine ICBM.

 

MAKOMBORA YA KOREA KASKAZINI YALIYORUSHWA KUPITIA ANGA YA JAPAN

15 September 29 Agosti

Umbali ambao yalisafiri 3,700km (maili 2,299)

2,700km

Upeo wa juu ambao yalifika angani

770km

550km

Umbali ardhini hadi Japan

2,200km

1,180km

Muda yaliyodumu angani

Dakika 19

Dakika 32

Aina ya kombora

Linaaminika kuwa kombora la masafa ya wastani

Linaaminika kuwa kombora la masafa ya wastani aina y

Page 10 of 104