blog category

RAIA WA BURUNDI ''WALIOTAKA KUJIUNGA NA AL-SHABAB'' WADAKWA KILAINI

Police nchini Kenya wamewakamata watu wanne wanaoaminika kuwa raia wa Burundi ambao walikuwa wakielekea Somalia kujiunga na kundi la al-Shabab.

Maafisa wa ujasusi walikuwa wakiwafuata washukiwa hao baada ya kupata habari kuhusu mipango yao, kulingana na msemaji wa polisi George Kinoti.

Ameongezea kwamba washukiwa wanne walikamatwa katika kizuizi cha polisi mjini Isiolo takriban kilomita 350 kaskazini mwa mji mkuu wa nairobi wakielekea katika mji wa mpakani wa Mandera.

Maafisa wa polisi pia wanasema wanne hao waliingia nchini Kenya kama watalii kupitia visa huru ya ushirikiano kati ya Burundi na Kenya.

Maafisa katika Ubalozi wa Burundi mjini Nairoibi wanasema kuwa watatoa taarifa kamili kuhusu kukamatwa huko baada ya kushauriana na mamlaka ya Kenya.

Mnamo mwezi Januari mwaka huu raia mwengine wa kigeni, ambaye alikuwa Mtanzania alikamatwa mjini Mandera akijaribu kuvuka na kuingia Somalia kwa lengo la kujiunga na kundi hilo la al-Shabab.

KIMBUNGA IRMA CHAINGIA ARDHI YA MAREKANI

Kimbunga Irma kiharibu jimbo la Florida nchini Marekamani

Irma kwanza kabisa kilipiga kisiwa cha Marco magharibi mwa pwani mwa Florida, kikiwa na upepo wa kasi ya kilomita 192 kwa saa lakini tangu kwa sasa kimeshuka kutoka kiwango cha tatu hadi cha pili.

Zaidi ya nyumba milioni 3.4 katika jimbo la Florida hazina nguvu za umeme na sehemu za mji wa Miami zimefurika maji.

Vifo vitatu vinavyotokana na kimbunga hicho vimeripotiwa wakati Irma kikielekea sehemu za kaskazini.

Kituo cha vimbunga cha Marekani kinasema Irma kimesababisha upepo sehemu tofauti za katikati mwa Florida.

UTURUKI YAPANIA MFUMO WA KUJILINDA NA MAKOMBORA

Uturuki imetia saini makubaliano yaliogubikwa na utata na Urusi kulihami jeshi lake na mfumo wa kudungua makombora wa S-400.

Rais Reccep Tayyip Erdogan amesema kwamba Ankara tayari imetoa malipo ya kwanza ya mkataba huo unaotarajiwa kugharimu $2.5b.

Washirika wa muungano huo wa majeshi ya kimataifa wametakiwa kununua mifumo ya hali ya juu ya kujilinda dhidi ya makombora.

Uturuki imekuwa ikiimarisha uhusiano na Urusi baada ya ushirikiano wake na Marekani kuzorota.

Urusi inasema kuwa mfumo huo wa kujilinda dhidi ya makombora unaweza kubaini kombora lililopo umbali wa kilomita 400 na unaweza kudengua hadi makombora 80 kwa mpigo, ukilenga makombora mawili kila awamu.

Uturuki imekuwa ikipinga mpango wa Marekani kuwaunga waasi wa Kikurdi nchini Syria ambao wanahusishwa na waasi wa kikurdi nchini Uturuki.

Urusi iliweka mfumo huo karibu na kambi yake ya kijeshi katika eneo la Latakia nchini Syria mnamo mwezi Disemba 2015 baada ya ndege ya kijeshi ya Uturuki kudengua nedege ya kijeshi ya Urusi Su-24 katika mpaka wa Uturuki na Syria.

Kisa hicho kilisababisha mzozo wa kidiplomasia kati ya Urusi na Uturuki, lakini rais Erdogan baadaye alisitisha mgogoro wake na rais Vladmir Putin.

Mshauri wa kijeshi wa rais Putin, Vladmir Kozhin alisema kuwa makubaliano hayo na Uturuki yanatokana na maslahi ya Urusi.

RAIS WA ZAMANI WA GEORGIA MIKHEIL SAAKASHVILI AINGIA UKRAIN KWA NGUVU

Mikheil Saakashvili ambaye ni rais wa zamani wa Georgia na pia gavana wa zamani wa jimbo nchini Ukrain amevuka na kuingia nchini Ukrain aisaidiwa na mamia ya wafuasi wake.

Bwana Saakashvili alisema kuwa alisukumwa bila kutarajia kwenye mpaka na umati wa watu waliokuwa wamekasirika kuwa mpaka ulikuwa umefungwa.

Maafisa nchini Ukrain wanasema kuwa aliiangia nchini humo kinyume na sheria na walinzi 15 na mpaka walijeruhiwa.

Kulikuwa na mivurutano kwenye mpaka kati ya wafuasi wa bwana Saakashvili na maafisa wa mpaka.

Image caption Mikheil Saakashvili na waziri mkuu wa zamani Yulia Tymoshenko

Bwana Saakashvili ambaye awali alikuwa ni raia wa Georgia na kisha raia wa Ukrain kwa sasa hana uraia wa nchi yoyote baada ya uraia wake wa Ukrain kufutwa na mshirika wake wa zamani raid Petro Poroshenko.

Pia anatakiwa nchini Georgia kwa kesi zinazohusu uhalifu ambazo anadai kuwa zimechochewa kisiasa.

Mapema Jumapili treni yake ilizuiwa katika kituo huko Przemysl nchini Poland baada ya walinzi wa Ukrain kumzuia kuingia.

Bwana Saakashivili alijiunga na wafuasi wake kadha akiwemo waziri mkuu wa zamani wa Ukrain na kiongozi wa sasa wa upinzani Yulia Tymoshenko.

Image caption Rais wa zamani wa Georgia aingia Ukrain kwa nguvu

Mwaka 2015 aliteuliwa gavana wa Odessa na Bw. Poroshenko lakini wawili hao walitofautiana mwezi Novemba mwaka uliopita baada ya Bw Saakashvili kumlaumu rais wa kuzuia jitihada za kumaliza ufisadi.

Akiwa nchini Ukrain anaweza kukamatwa na kurudishwa nchini Geogia ambapo atafunguliwa mashtaka.

KILIMO CHA KUPINDUKIA CHA TAJWA KUSABABISHA MAJANGWA

Utafiti wa umoja wa mataifa umebaini kuwa thuluthi moja ya ardhi kote duniani imeharibiwa na shughuli nyingi za kilimo kupindukia

Utafiti huo unaonyesha kwamba udongo usiokuwa na rutuba unatishia kuzua baa la njaa kwa mamilioni ya watu pamoja na kuleta umaskini na mizozo.

Umoja wa mataifa unasema tani bilioni ishirini na tano za udongo wenye rutuba na miti bilioni kumi na tano hupotea kila mwaka.

Umesema kuwa sera za kitaifa za kuzuia ardhi kubadilika na kuwa jangwa ni muhimu katika kuzuia kile inachodai huenda kikawa chanzo cha migogoro lakini ukaongezea kuwa uhifadhi wa chakula pia unaweza kusaidia.

Utafit huo umebaini kwamba ukulima unaofanywa na viwanda ambapo mashine kubwa hutumiwa kulima na kuvuna hupunguza rutuba ya udongo kwa kiwango kikubwa.

CHINA KUPIGA MARUFUKU MAGARI YANAYOTUMIA MAFUTA

China ambaye ni nchi yenye soko kubwa zaidi la magari ina mipango ya kupiga marufuku uundaji na uuzaji wa magari yanayotumia mafuta ya diesel na petroli

Naibu waziri wa viwanda nchini humo alisema wameanaa utafiti lakini badoo hawajaamua ni lini marufuku hiyo itaanza kutekelezwa.

China iliunda magari milioni 28 mwaka uliopita, takriban thuluthi moja ya magari yote yaliyoundwa duniani.

Uingereza na Ufaransa tayari wametangaza mipango ya kupiga marufuku magari mapya yanayotumia mafuta ya diesel na petroli ifikapo mwaka 2040 kama sehemu ya njia za kuzuia uchafuzi wa hewa.

Kampuni ya kichina ya kuunda magari ya Volvo, ilisema mwezi Julai kuwa magari yake yatatumia umeme ifikapo mwaka 2019.

Makampuni mengine duniani yakiwemo Renault-Nissan, Ford na General Motors yote yanashughulikia mipango ya kuunda magari yanayotumia umeme.

UN: MAUAJI YA KIKABILA YANAFANYIKA MYANMAR

Oparesheni ya kiusalama inayowalenga waislamu wa Rohingya nchini Myanmar ni mfano wa mauaji ya kikabila, mkuu wa haki za binadamu wa Umoja wa Mataifa amesema.

Zeid Raad Al Hussein ameitaka Mynamar kusitisha oparesheni mbaya ya kijeshi katika jimbo la Rakhine.

Zaidi ya watu 300,000 waisilamu wa Rohingya, wamekimbia kwenda Bangaladesh tangu ghasia zianze mwezi uliopita.

Jeshi linasema kuwa linajibu mashambulizi yaliyofanywa na wanamgambo wa Rohingya na kukana kuwalenga raia.

Ghasia hizo zilianza tarehe 25 mwezi Agosti wakati wapiganaji wa Rohingya walishambulia vituo vituo vya polisi kaskazini mwa Rakhine na kuwaua maafisa 12 wa ulinzi.

Rohingya ambao wameikimbia Myanmar tangu wakati huo, wanasema kuwa wanajeshi walijibu vikali kwa kuchoma vijiji na kuwashambulia raia kwa minajili ya kuwafukuza.

Rohinga ambayo ni jamii ndogo ya waislamu wasio na utaifa wamekumbwa na mauaji kwa muda mrefu nchini Myanmar ambayo inasema kuwa wao ni wahamiaji haramu.

WAHAMIAJI KULIPWA DOLA MILIONI 55 AUSTRALIA

Hakimu mmoja nchini Australia amepitisha malipo ya zaidi ya dola milioni hamsini na tano kama fidia kwa wahamiaji waliokuwa wanashikiliwa na wanaoshikiliwa mpaka hivi sasa nje ya kituo cha kushikilia watu kilichopo katika kisiwa cha Manus.

Zaidi ya watu elfu moja mia tatu waliokuwa wanaomba hifadhi na wakimbizi watapokea malipo hayo, kama sehemu ya makubaliano nje ya mahakama na serikali yaliyofanyika mwanzoni mwaka huu.

Wahamiaji hao wote walipelekwa katika kituo kilichopo Manus baada ya kujaribu kuingia nchini humo.

Wanasema walizuiwa kinyume cha sheria hivyo kupata matatizo ya kisaikolojia na kimwili.

Wengi wa wanaoshikiliwa wanatoka nchini Iran, Iraq na Afghanistan.

Page 9 of 101