Wabunge wanawake kutoka UKAWA, wametoka bungeni kufuatia Mbunge wa wa Ulanga, Mhe. Goodluck Mlinga kusema kuwa wabunge wa viti maalum kutoka UKAWA wanapewa nafasi hizo kwa kuwa na mahusiano na viongozi wa juu wa vyama vyao.

Baada ya kutamka maneno hayo, mmoja wa wabunge wa viti maalum aliomba mwongozo kutoka kwa Naibu Spika, Dkt. Tulia Ackson na alipoona kuwa hapewi nafasi wabunge wanawake wa upinzani kwa pamoja walisimama na kutoka nje ya ukumbi wa bunge.

Akizungumza na waandishi wa habari baada ya kutoka nje ya bunge, Mbunge wa Kawe na Mwenyekiti wa BAWACHA, Halima Mdee amesema wanaumia wao kama wabunge wanawake kufanyiwa vitendo hivyo na spika akiwa ni mwanamke bila kuchukua hatua yoyote.

Amesema sababu ya kuomba mwongozo ilikuwa ni kumtaka, Mhe. Mlinga afute kauli aliyoisema awali lakini hakuna hatua iliyochukuliwa na kwasababu spika ameshindwa kuchukua hatua kwa pamoja wabunge wa UKAWA wanaandika barua ya kujitoa Chama ca Wabunge Wanawake (TWPG).

0768671579

Add comment


Security code
Refresh