blog category

WAANDISHI 27 TANZANI WAPIGWA MSASA JUU YA KUANDIKA HABARI ZA MAZINGIRA NA UTPC

Wito huo umetolewa na Mratibu wa Mafunzo kutoka Umoja wa vyama vya waandishi wa habari Tanzania Victor Maleko katika ufunguzi wa mafunzo ya siku tano kuanzia oktoba 9mpaka 13 mwaka huu ya kuandika Haabari za mazingira, yanayo fanyika katika ukumbi wa Hotel ya Nala Senturion ulioko Mjini Dodoma.

Aidha Wito umekuja mara baada ya waandishi wengi nchini kuandika habari za mambo mengi hali inayo pelekea ufanisi wa kazi zao kupungua ikiwa ni kutokana na kuto kuwa mbobezi katika jambo moja.

Kwa upande wao washiriki wa mafunzo hayo wametumia fursa hiyo kutoa pongezi kwa umoja huo kwa kuandaa mafunzo hayo yenye tija kwa waandishi wa habari na wametoa wito kwa washiriki hao kuizingatia elimu wanayo ipata hapo ili kuleta mabadiliko chanya katika jamii.

Mafunzo hayo ya Kuripoti Habari za mazingira yanatolewa kwa waandhishi wa habari wapatao Ishirini na Saba kutoka Tanzania bara na Zanzibar yana lengo la kuleta mabadiliko katika jamii baada ya Waandishi hao kujengewa uelewa kuhusiana na mazingira ili wawasirishe katika jamii kupitia kalamu zao.

RAIS MSTAAFU ALLY HASSAN MWINYI AHIMIZA KUWATHAMINI WAZEE

Vijana nchini wameshauriwa kujitolea na kuwatunza wazee katika maeneo yao ili kupata ushauri na busara za wazee hao kwa maendeleo yao na taifa.

Hayo yamesemwa Mjini Dodoma na Rais Mstaafu wa Awamu ya Pili Mhe. Alhaji Ali Hassan Mwinyi alipokuwa akizungumza na wazee katika kilele cha maadhimisho ya Siku ya Wazee Duniani yanayofanyika kila Oktoba Mosi ya kila mwaka.

Mhe. Mwinyi amesema kuwa jukumu la kuwatunza na kuwalea wazee sio la Serikali pekee bali jamii pia ina nafasi yake katika kuwatunza wazee hasa Vijana.

Mhe. Mwinyi ameongeza kuwa Serikali imejitaidi sana kuweka mazingira mazuri kwa wazee kwa kuwapatia huduma za Afya na kuwatunza wazee wote ambao hawana ndugu wa kuwatunza katika makambi mbalimbali ya wazee nchini.

Kwa upande wake Waziri wa Afya, MAendeleo ya Jamii, Jinsia, Wazee na Watoto Mhe. Ummy Mwalimu amemuhakikishia Rais Mstaafu Mhe. Mwinyi kuwa Serikali itaendelea kuwatunza wazee nchini na kuhakikisha wanapata hudumu zote muhimu.

Naye Mwenyekiti wa Mtandao wa Wazee nchini Mzee Sebastian Bulegi amemuomba Mhe. Mwinyi kufikisha shukurani zao kwa Rais wa Jamhuri ya Muungano wa Tanzania Mhe. Dkt John Pombe Magufuli kwa moyo wake wa kuwajali wazee nchini.

Siku ya Wazee Duniani huadhimishwa Oktoba Mosi kila mwaka kufuatia Azimio la Umoja wa Mataifa linalozitaka nchi wanachama kutenga siku maalumu ya kutafakari mchango wa Wazee katika maendeleo ya jamii na kuwaenzi ili wawe na maisha bora na yenye matumaini na Kauli mbiu ya Maadhimisho ya Mwaka huu ni “ Kuelekea uchumi wa Viwanda:Tuthamini Mchango, Uzoefu na Ushiriki wa Wazee kwa maendeleo ya Taifa”.

MSOAPO NA OXFAM YAWAPIGA MSASA WALAGHABISHI 50 WA MTWARA

Changamoto ya ukosefu wa Mitandao Vijijini hapa nchini imetajwa kuwa ndio Sababu kubwa ya kukwamisha kupata Taarifa za maendeleo kwa wakazi wa maeneo hayo na kukwamisha juhudi za Serikali kufikia Tanzania ya Viwanda.

Hayo yamebainishwa mapema hii leo na Walaghabishi wanao patiwa mafunzo ya siku tatu ya namna ya kutumia mitandao ya kijamii ili iwasaidie kupata taarifa za maendeleo katika vijiji vyao, ambapo wamesema kuwa kukosekana kwa mtandao kunasababisha wakose haki zao za msingi.

Miungoni mwa washiriki wa Mafunzo hayo Zena Hamisi Nakoni mkazi wa Kata ya Nanguruwe amesema kuwa Chanangamoto ya Mtandao katika kata yao imekuwa kubwa sana ila sio kigezo cha wakazi hao kukosa kupata taarifa kwani kupata taarifa kwa kutumia mitandao hiyo hiyo inayo suasua.

Aidha ametoa Shukrani kwa MSOAPO na OXFAM kwa kuwapatia mafunzo hayo ambayo yatawasaidia kuingia katika ulimwengu wa kisasa kwa kupata taarifa za maendeleo kupitia simu zao za mkononi.

Mustafa Kwiyunga ambaye ni Mratibu wa MSOAPO ambao ndio waratibu wa mafunzo hayo ya siku tatu kwa kushirikiana na OXFAM yanayo fanyika katika ukumbi wa Benki kuu tawi la Mtwara, amesema kuwa wameamua kutoa mafunzo hayo kwa walaghabishi Hamsini kutoka katika kata tano ikiwemo Msimbati, Madimba, Nanguruwe, Mayanga na Ziwani, kwa lengo la wananchi hao kupata Taarifa mbalimbali zitakazo saidia katika shughuli za Maendeleo.

Mratibu huyo amesema kuwa mara baada ya mafunzo hayo walaghabishi hao watapatiwa simu za Mkononi ili ziwasadie kuwapatia taarifa za maendeleo katika vijiji vyao. Kwa upande wake Bill Marwa mratibu wa mawasiliano ya kisasa kutoka OXFAM Tanzania amesema kuwa kumekuwa na ongezeko kubwa la watumiaji wa mitandao ya kijamii na takwimu mpaka mwezi Januari mwaka huu zinaonesha watu bilioni 3.5 sawa na asilimia hamsini 50 % ulimwenguni wanatumia Mtandao.

Pia amesema kuwa Mitandao ya kijamii imefungua fursa nyingi za maendeleo ulimwenguni na kusaidia watu kunufaika sana ingawa kumekuwa pia na matumizi mabaya ya Mtandao ,ikiwemo propaganda na wizi.

Ikumbukwe kuwa nchini Tanzania mpaka kufikia mwezi Desemba mwaka 2016 kulikuwa na watumiaji wa mtandao milioni 16.9 zaidi ya asilimia Arobaini ya Watanzania. 2 Attachments

JAFO ATOA BIG UP KWA WANANCHI KISARAWE

Mbunge wa Jimbo la Kisarawe ambaye pia ni Naibu Waziri Ofisi ya Rais Tamisemi Mhe. Selemani Jafo amewapongeza wananchi wa kisarawe kwa ushirikiano mkubwa katika ujenzi wa miundombinu ya elimu ikiwemo ujenzi wa madarasa, Ofisi za walimu, nyumba, pamoja na vyoo.

Jafo alitoa pongezi hizo alipokuwa akikagua mradi ya ujenzi wa madarasa wilayani kisarawe katika vijiji vya Mitengwe, Kitonga, Boga, na kwala.

Katika vijiji hivyo, Jafo alikagua ujenzi wa vyumba vipya vya madarasa 15, Ofisi za walimu 4, pamoja na matundu ya vyoo 40 ambapo ujenzi wake unafanyika kwa bora unaotakiwa.

Kutokana na mwamko mkubwa ulioonyeshwa na wananchi hao katika kushirikiana na serikali na viongozi walio wachagua akiwemo mbunge na madiwani wote wa kisarawe, Jafo amesisitiza wananchi wengine katika wilaya mbalimbali kushirikiana na serikali pamoja na viongozi wao ili kujiletea maendeleo.

WAZIRI MKUU ATOA WITO KWA TAASISI ZA KIDINI KUHIMIZA AMANI

WAZIRI MKUU Kassim Majaliwa amewaomba Viongozi wa Jumuiya na Taasisi zote za kidini nchini wahakikishe wanawapiga vita watu wote wanaopanga na kutaka kuvuruga amani na utulivu uliopo nchini kwa sababu watakwamisha maenendeleo.

Amesema Serikali inaelewa kwamba dini ni miongoni mwa vyanzo muhimu vya maendeleo ya ustaarabu wa mwanadamu kwani inatoa elimu ya maadili mema yenye kuwafanya waumini waepukane na maovu mbalimbali.

Waziri Mkuu ametoa kauli hiyo jana (Jumapili Oktoka 01, 2017) wakati akifungua mkutano Mkuu wa mwaka wa 48 wa Jumuiya ya Waislamu Waahmadiyya uliofanyika katika eneo la Kitonga kata ya Msongola wilayani Ilala, Dar es Salaam.

Amesema kila Mtanzania anatakiwa ahakikishe anadhibiti matukio yote yenye viashiria vya uvunjifu wa amani kwa kutoa taarifa katika mamlaka husika.”Tanzania ni nchi salama na yenye utulivu, hivyo ni lazima wote tushirikiane kuitunza.”

Amesema iwapo dini zetu zitatumika vizuri tutaweza kwa haraka sana kutekeleza agizo la Rais Dkt. John Magufuli la 'Hapa kazi tu' kwani kila mtu ataepuka uzembe na kuwajibika ipasavyo.

Waziri Mkuu amesema ana imani kwamba jumuiya hiyo kama zilivyo taasisi zingine za kidini itaendeleza kazi kubwa ya kupambana na maovu katika jamii yetu kwa kuwapatia waumini wao na wananchi kwa ujumla elimu na maarifa ya kuboresha tabia zao na maadili yao kiroho.

Amesema amani na utulivu uliopo nchini unatokana na mambo mengi ikiwemo na wananchi kupata ustawi, kuweza kufanya shughuli zao vizuri na kuwa na imani na Serikali yao, ambayo imejiwekea mikakati ya kuhakikisha wananchi hususan wanyonge wanapata faraja ndani ya nchi yao.

Waziri Mkuu amesema mambo yameweza kupatikana baada ya Serikali kupambana na rushwa na ufisadi pamoja na kuimarisha maadili ya watumishi wa umma, ambayo vimekuwa ni vyanzo vya kupotea kwa amani na utulivu katika baadhi ya nchi.

Awali, Amir na Mbashiri Mkuu wa Jumuiya ya Waislamu Waahmadiyya Tanzania, Sheikh Tahir Mahmood Chaudhry amesema Jumuiya hiyo imekuwa ikifanya mikutano kila mwaka kwa lengo la kukumbushana misingi sahihi ya dini tukufu ya kiislam pamoja na kukuza undugu wao.

Sheikh Chaudhry amesema mkutano wa mwaka huu umejumisha watu zaidi ya 4,000 kutoka mikoa yote ya Tanzania Bara na Visiwani pamoja na wageni kutoka nchi za Uingereza, Canada, Rwanda, Uganda, Ujerumani, Kenya, Burundi, Malawi na Jamuhuri ya Kidemokrasi ya Congo (DRC).

Amesema Jumuiya hiyo mbali na masuala ya kidini pia inatoa huduma mbalimbali za kijamii kama elimu, maji na afya kwenye mikoa tofauti tofauti nchini.

WAZIRI MWAKYEMBE AIPONGEZA SARAFI REDIO, KWA VIPINDI BORA NA MAUDHUI

Waziri wa Habari, Sanaa Utamaduni, na Michezo, Mhe. Dkt. Harrison Mwakyembe ameipongeza Safari Radia kwa uwekezaji mkubwa na vipindi vizuri vyenye maudhui yanayohitajika kwa Watanzania.

Waziri Mwaklyembe ametoa pongezi hizo jana usiku wakati akiwa kwenye kipindi cha michezo kinacho Rushwa na Radio hiyo kila siku kuanzia saa moja kamili mpaka saa mbili usiki,ambapo amesema kuwa amefurahi kuona imepiga hatua kubwa katika tasnia Habari na kuzingatia maadili, miiko na misingi ya Uandishi wa habari.

Aidha Dr Mwakyembe ameahidi kutoa ushirikiano wa dhati ili vyombo vya habari vifanye kazi yake vema, na katika wizara yake kama kuna Mfanyakazi haendani na kasi yake basi hapaswi kuendelea kufanya kazi.

Waziri Mwakyembe yuko ziarani Mkoani hapa kwa dhamira ya kukagua viwanja vya michezo na kukutana na kuzungumza na wadau wa wizara yake.

Katika ziara hiyo ya Siku mbili Mhe. Mwakyembe amepata wasaa wa kuzungumza na Uongozi wa Mkoa wa Mtwara ambapo ameupongeza kwa kuja na Mpango wa Usajili wa Watoto waliopo chini ya Umri wa Miaka Mitano ambapo Uzinduzi wake umefanyika leo katika viwanja vya shule ya Msingi MatogoroWilayani Tandahimba.

WANACHAMA WA USHIRIKA WA GOLD MINE WAHIMIZWA USHIRIKIANO

Wananchi wa ushirika wa Aminika Gold mine co-operative society Ltd wilaya ya Ikungi mkoa wa Singida wameshauriwa kuacha tabia ya kuwa kama kikundi cha wanywa kahawa na badala yake washikamane pamoja kwa lengo la kuimarisha ushirika wao, uweze kuwa na tija.

Wito huo umetolewa juzi na mkuu wa wilaya ya Ikungi,Miraji Mtaturu, wakati akifungua mkutano wa uchunguzi bodi ya wakurungezi ushirika wa Aminika.

Alisema ushirika wa Aminika ambao una muunganiko wa vikundi vitano, na wanachama wake ni pamoja na aliyekuwa mkuu wa mkoa wa Singida Halima Kasungu , waandishi wa habari na viongozi mbali mbali serikali.

Akifafanua,alisema kwenye ushirika au kikundi cho chote kuna faida nyingi, ikiwemo ya kuwa na nguvu zaidi katika kukabiliana na changamoto mbalimbali, pia ni rahisi kukopeshaka , na kupata misaada mbalimbali.

Akisisitiza, alisema Rais Dk. Magufuli ameonyesha dhamira ya wazi kwamba anataka kuwaona wachimbaji wadogo wa madini, wanafaidika na shughuli yao hiyo.

Aidha, DC Mtaturu amewataka wanachama wa Aminika kuacha kulalamika Kuwa maeneo waliyopewa hayana dhahabu, kwa madai kwamba, uwezo wao wa uchimbaji madini, ni mdogo na utaalamu hawana.

Awali katibu wa bodi, Himisi Nkingi, alisema toka wameanza uchimbaji mwaka 2014- 2017, wamezalisha gram 200 ya dhahabu yenye thamani ya shilingi 13,095,000,

Alisema katika kipindi hicho wamelipa mkaraba wa serikali hadi sasa, shilingi 480,000 na shilingi 39.286.50 ikiwa ni service levy ya halmashauri ya wilaya ya Ikungi.

Aidha, Nkingi alisema wanadaiwa kodi ya serikali jumla ya shilingi 5,318,000 na wapo kwenye mchakato wa kulipa deni hilo.

Katibu huyo, alitaja baadhi ya changamoto zinazowakabili kuwa ni pamoja na ukosefu wa vifaa vya uchimbaji wa madini ya dhahabu na gharama zake kubwa za uendeshaji.

Wakati huo huo, Mrajisi wa ushirika mkoa wa Singida,Thomas Nyamba, alisema kuwa Mohammed Ally Nyalandu, amechaguliwa kuwa mwenyekiti wa ushirika wa Aminika.

Amewataja wajumbe wa bodi kuwa no Ana Petro, Waziri Y. Waziri, Mohammed Ally, Abdala Mohammed, Mustapha Selemani, Foloratina Yona na Fatuma Makula.

WATANZANIA KUPATA HUDUMA ZA MAWASILIANO KWA GHARAMA NAFUU

Licha ya kuendelea kukua kwa teknolojia ya mawasiliano nchini, changamoto bado imeendelea kuwa katika gharama za mawasiliano hayo kwa watu wa kada zote, huku kampuni mbalimbali za simu zikiendelea kupunguza gharama hizo bado zimeendelea kuonekana kama changamoto kubwa kwa watumiaji.

Ikiwa katika kuhitimisha miaka miwili ya utoaji wa huduma za Mawasiliano nchini kampuni ya mawasiliano ya Halotel, Imepunguza gharama za mawasiliano kwa wateja wake kwa kuzindua huduma mpya ya ECO BUNDLE ili kuwawezesha wateja wa mtandao huo kuepuka gharama kubwa za mawasiliano.

Akizungumza wakati wa uzinduzi wa huduma hiyo, Meneja Uhusiano wa kampuni hiyo Stella Pius, amesema kuwa katika kuanzisha huduma hiyo wamezingatia uhitaji wa makundi mbalimbali ya watumiaji wa mtandao huo, ambapo wamegawa gharama kulingana na mahitaji yao.

mfano kwa Tsh1 tu kwa sekunde ataweza kupiga simu mitandao yote, Tsh 5 kwa MB 1 za intaneti na Tsh 5 kwa kila ujumbe mfupi (SMS) au akajiunga na kifurushi cha Eco Extra ambacho kitamuwezesha kupata dakika za kupiga tu au vifurushi vya intaneti, kulingana na kifurushi kilichoisha au uhitaji wake kwa wakati huo.” Alisema Pius.

Mteja ana uhuru wa kuchagua kuungwa moja kwa moja, na kifurushi hiki kitajumuishwa na kifurushi alicho jiunga awali mara tu kifurushi alichojiunga awali kitakapokuwa kimekwisha, au kuwa anajiunga mwenyewe kila ambapo kifurushi kitakuwa kimekwisha. Hii ni moja ya maendeleo ya teknolojia katika kuendelea kuboresha huduma kwa wateja wetu ambao wamekuwa wakituunga mkono tangu awali.”alisema Pius

Page 5 of 165