blog category

WATANZANIA WAASWA KUTUNZA AMANI ILIOPO NCHINI

Jamii imetakiwa kutunza na kulinda tunu ya amani iliyopo nchini na kudumisha upendo kwa watoto ili kuweza kuleta usawa katika jamii ya kitanzania.

Wito huo umetolewa jana katika viwanja vya chuo cha walimu Mtwara na Meya wa Manispaa ya Mtwara Mikindani Mh Jofrey Mwanchisye ambae alikuwa mgeni rasmi katika hutuba yake kwenye maadhimisho ya siku ya Amani na ulinzi na usalama wa Mtoto, ambapo amesema kuwa kuwa jamii inawajibu mkubwa sana wa kulinda amani iliyopo.

Aidha Amesema siku zote Binadamu anahitaji Amani eneo lolote ambalo anaishi na vitu vyake huendesha kwa kutegemea Amani.

Sambamba na hilo Meya huyo ametoa shukrani za dhati kwa Safari Radio na CYODO Tanzania kwa kuipa thamani na kuandaa kongamano hilo lenye mvuto ambalo limeiteka jamii katika mtazamo chanya.

Hata hivyo Amesema kuwa Umoja wa Mataifa umeweka siku hii ya Amani Duniani kwa kujua nchi nyingi kinacho endelea na Amani ya sehemu yeyote mara nyingi imekuwa ikiharibiwa na wanasiasa ndio mara nyingi wamekuwa waharibifu wa Amani katika nchi yeyote hile.

Pia Amesema kuwa wanasiasa ndio watu amabao wanaamua kuvuruga Amani na kutuliza Amani,wao kama wanasiasa wadumishe Amani na Amani itawatunza katika mambo ya siasa na mambo ambayo sio ya siasa kwa hiyo wao wasiwe chanzo cha kupoteza kiini cha Amani katika Jamii kwa sababu wengi wanaoharibikiwa sio wanasiasa.

Meya huyo amewaomba wanafunzi walioudhuria katika kongamano hilo la siku ya Amani Duniani amewambia kuwa wasome kwa bidii.

Kwa upande wake Meneja wa Safari Radia amewashukuru wadau mbalimbali ambao wamepata fursa ya kutoa michango yao ya hali na mali katika kufanikisha swala la kufanyika kwa maadhimisho hayo muhimu.

Pia ameeleza kuwa Radia hiyo itatoa msaada kwa watoto wenye matitaji maalumu na yatima kesho Jumamosi katika kipindi cha watoto kinacho rushwa na kituo hicho kuanzia saa 3:00 mpaka saa nne 4:00 Asubuhi.

Safari Radio inatoa msaada huo kwa lengo la kuchagiza na kuunga mkono ujumbe huo wa umoja wa mataifa unao sema “Pamoja kwa ajili ya amani :heshima , usalama na utu kwa wote”.

LORI LAUA WATU WAWILI NAMTUMBO

Watu wawili wamefariki papo hapo mara baada ya lori lililokua limepakia makaa ya mawe mali ya kampuni ya Full Cargo Support kupinduka katika eneo la Utwango wilaya ya Namtumbo mkoani Ruvuma likitokea wilaya ya Mbinga mkoani humo kuelekea kimbiji jijini Dar es Salaam.

Kamanda wa polisi wa mkoa wa Ruvuma, SACP Gemini Mushy amewataja watu hao kuwa ni Ahmad Rajab (47) aliyekuwa dereva wa lori hilo pamoja na Abiud Daudi (25) aliyekuwa utingo wa lori hilo na amesema chanzo cha ajali hiyo ni kutokana na mwendokasi wa dereva wa gari hilo iliyopelekea kushindwa kumudu kona ya barabara hiyo na hatimaye kuacha njia na kupindukia eneo la mtoni na kisha kupelekea vifo vyao papo hapo.

Lori hilo aina ya Daf lenye namba za usajili T 782 cmc na tela T 841 clp mali ya kampuni ya Full Cargo Sapport limepinduka mara baada ya kuacha njia katika eneo hilo la utwango wilaya ya Namtumbo mkoani Ruvuma.

Kamanda Mushy amesema chanzo cha ajali hiyo ni kutokana na mwendokasi wa dereva wa gari hilo iliyopelekea kushindwa kumudu kona ya barabara hiyo na hatimaye kuacha njia na kupindukia eneo la mtoni na kisha kupelekea vifo vyao papo hapo.

Mwenyekiti wa kijiji cha Utwango wilaya ya Namtumbo mkoani humo, Bw. Optatus Mapunda amesema eneo hilo limekuwa likisababisha ajali mara kadhaa.

JWTZ WAANZA KUTEKELEZA AGIZO LA RAIS MAGUFULI, MKUU WA JKT ATINGA ENEO LA TUKIO

Kufuatia agizo la Rais wa Jamhuri ya Muungano wa Tanzania Mhe. Dkt. John Pombe Magufuli alilolitoa jana Septemba 20,2017 la kujengwa uzio machimbo ya Tanzanite Mererani kwa kuliagiza Jeshi la Ulinzi la Wananchi Tanzania (JWTZ) kujenga uzio wa kuzunguka vitalu vya kuanzia A hadi D vyenye madini ya Tanzanite katika eneo Mererani, Wilaya ya Simanjiro Mkoani Manyara ili kudhibiti uchimbaji na biashara ya madini hayo, mapema Jana Septemba 21, Jeshi hilo limeanza kutekeleza maagizo hayo.

JWTZ tayari kupitia Mkuu wa JKT Meja Jenerali Michael Isamuyo ametua Mererani kwa helkopta na kukagua maeneo ambayo ukuta utaanza kujengwa mara moja huku Wachimbaji na wananchi wakifurahia kuanza kwa zoezi hilo na wameahidi ushirikiano.

Agizo la Rais Magufuli alilitoa wakati wa sherehe ya ufunguzi wa barabara ya Kia – Mererani iliyofanyika katika eneo la Mererani, yenye KM 26.

Katika maagizo yake hayo, Mhe. Rais Magufuli alieleza kuwa, pamoja na kujenga uzio huo haraka iwezekanavyo, soko la Tanzanite litapaswa kuwa katika eneo hilo, Tanzanite yote itapita kupitia lango moja na ameitaka Benki Kuu ya Tanzania (BOT) kushiriki katika ununuzi wa Tanzanite.

“Ripoti ya kamati iliyoundwa na Spika wa Bunge la Jamhuri ya Muungano wa Tanzania Mhe. Job Ndugai imeonesha kuwa Serikali na wananchi tunanufaika kwa asilimia 5 tu ya madini haya ya Tanzanite, zinazobaki zote wananufaika watu wengine, hii haiwezekani ni lazima tuwe na mikataba itakayotunufaisha na sisi, haiwezekani Tanzanite tunayo sisi tu lakini tunapata asilimia 5, halafu hapa Mererani hakuna maji na hakuna gari ya wagonjwa” amesisitiza Mhe. Rais Magufuli.

Hata hivyo Mhe. Rais Magufuli amewaahidi wananchi wa Mererani kuwa atawapelekea gari la wagonjwa na pia atalifanyia kazi tatizo la uhaba wa maji linawakabili wananchi hao.

SERIKALI YAAHIDI KUMALIZA KERO ZA WANANCHI

Waziri Mkuu Kassim Majaliwa amesema Serikali imedhamiria kumaliza tatizo la upatikanaji wa maji safi na salama pamoja na huduma ya umeme katika maeneo mbalimbali nchini zikiwemo wilaya za Chemba na Kondoa mkoani Dodoma.

Amesema serikali kupitia kampeni ya Rais Dkt. John Magufuli ya kumtua mama ndoo, itahakikisha wananchi katika maeneo yote nchini watapata huduma ya maji safi na salama katika umbali usiozidi mita 400 kutoka kwenye makazi yao.

Waziri Mkuu ameyasema hayo wakati akizungumza kwa nyakati tofauti na wananchi wa wilaya ya Chemba na Kondoa waliomsimamisha katika maeneo ya Chemba, Kalema, Bicha na Bereko akiwa njiani kuelekea mkoani Arusha kwa shughuli za kikazi.

Alisema kwa sasa Serikali imeendelea na uchimbaji wa visima virefu, vifupi pamoja na kuweka mtandao wa mabomba ya kusamba maji katika maeneo mbalimbali nchini yakiwemo na ya wilaya hizo ili kuhakikisha wananchi wanapata huduma hiyo karibu na makazi yao

Kufuatia hali hiyo Waziri Mkuu aliwaagiza watendaji wawachukulie hatua watu wote watakaokutwa wakiendesha shughuli mbalimbali kama za kilimo, ujenzi wa makazi na uchungaji wa mifugo ndani ya vyanzo vya maji kwa kuwa zinasababisha ukame.

Aidha Mh. Majaliwa ameagiza wakandarasi wamalize maeneo yaliyosalia katika REA awamu ya pili ndipo waendelee na awamu ya tatu.

Alisema Serikali imetenga sh. trilioni moja kwa ajili ya kusambaza umeme katika vijiji 8,000 ambavyo bado havijaunganishiwa nishati hiyo

JAFFO AZINDUA MPANGO MKAKATI WA MIAKA MITANO

Naibu Waziri Ofisi ya Rais, Tawala za Mikoa na Serikali za Mitaa (TAMISEMI), Suleiman Jaffo amezundu mpango mkakati wa miaka mitano wa Tanzania Evaluation Association (TanEA) ambao utahusika na kufanya tathmini kwa mipango ya serikali hasa katika kipindi hiki ambacho nchi inakwenda kwenye uchumi wa kati.

Akizundua mpango huo Naibu Waziri Jaffo alisema mpango mkakati huo ni muhimu kwa sababu unaipa nafasi serikali ya kujua ni mipango ipi ambayo inaitekeleza inafanya vizuri na inafanya vibaya ili iweze kuchukua hatua madhubuhiti.

Jaffo aliwapongeza kwa kuandaa mpango huo mzuri lakini pia kuwataka pindi wanapokuwa wanatoa ripoti itolewe kwa lugha rahisi ambayo inatakuwa inaeleweka kwa wasomaji wengi wa ripoti yaani kutumia Kiswahili badala ya Kiingereza.

“Ni uzinduzi wa mpango mkakati wa TanEA ambao umeleta mpango mkakati wa miaka mitano 2017-2021, malengo yetu kama nchi tunapokwenda katika uchumi wa kati mipango yetu yote lazima tuifanyie tathmini baada ya utekelezaji wake, kama mipango itakuwa imefanya vizuri wapi na imefanya vibaya wpoi ili tuweze kujirekebisha,

“Bila kufanya tathmini hatuwezi kufikia mahali ambapo nchi yetu inakusudia kwahiyo niwapongeze sana lakini hata hivyo kama sisi serikali tutatumia fursa hii sasa ili kunashirikiana na wadau mbalimbali katika kufanya tathmini mbalimbali katika mipango yetu ya maendeleo mwisho wa siku kama Watanzania waweze kupata manufaa makubwa kwa kile tunachotekeleza katika mpango wetu wa miaka mitano.” alisema Jaffo.

WAKALA WA MAJENGO (TBA) WATEMA CHECHE

Katibu Mkuu Ofisi ya Ras Tawala za Mikoa na Serikali za Mitaa Mhandisi Mussa Iyombe amesema kuwa zaidi ya kaya 438 za watumishi wa umma watakaohamia Dodoma na wenye sifa ya kupatiwa nyumba na Serikali 2watakuwa na uhakika wa kupata nyumba zilizokuwa zikimilikiwa na Mamlaka ya Ustawishaji Makao Makuu (CDA)

Akikabidhi Nyumba zilizokuwa zikimilikiwa na Mamlaka ya Ustawishaji Makao Makuu kwa Wakala wa Majengo (TBA) Mhandisi Mussa Iyombe amesema, nyumba hizo zitakuwa maalum kwa watumishi wenye sifa kulingana na miundo ya kitumishi.

Akitoa Maelezo ya awali Mhandisi Musa Iyombe amesema baada ya kuivunjwa kwa CDA iliagizwa kuwa watumishi wote waliokuwa Mamlaka ya Ustawishaji Makao Makuu (CDA) kupangiwa kazi kwenye Ofisi za Serikali na kipaombele cha kwanza kilikuwa ni Mkurugenzi wa Manispaa ya Dodoma kuchagua watumishi wanaomfaa kwa ajili ya kuendeleza kazi zilizokuwa zikifanywa na Mamlaka ya Ustawishaji Makao Makuu (CDA) kazi ambayo kwa sasa imekamilika.

Mhandisi Iyombe amesema mali zilizokuwa zikimilikiwa na Mamlaka ya Ustawishaji Makao Makuu yakiwemo majengo ya kibiashara kama vile maduka na ofisi zimeelekezwa zibaki chini ya Halmashauri ya Manispaa ya Dodoma lakini majengo ya makazi yakabidhiwe kwa Wakala wa Majengo Tanzania (TBA)

Akifafanua zaidi Mhandisi Iyombe amesema majengo yaliyopo ni 141 kati ya hayo kuna magorofa 45 hivyo familia ambazo zinaweza kuingia katika majengo hayo ni kaya 438 hivyo matarajio ya Serikali ni kwamba watumishi 438 wenye sifa ya kupatiwa nyumba waliopo Dar-es- salaam watapata makazi hapa Dodoma.

Amesema kuwa nyumba ambazo zinakabidhiwa kwa Wakala wa Majengo ni nyumba za kuishi ambazo awali zilimilikiwa na Mamlaka ya Ustawishaji Makao Makuu na kuhamishiwa Halmashauri ya Manispaa ya Dodoma na kutokana na agizo la Rais wa Jamhuri ya Muungano wa Tanzania Mhe. John Pombe Magufuli nyumba hizo kwa sasa zitakuwa zikimilikiwa na Wakala wa Majengo (TBA) ili nyumba hizo zitumike kwa watumishi wa Serikali wanaohamia Dodoma.

Naye Mkurugenzi wa Halmashauri ya Manispaa ya Dodoma Godwin Kunambi amesema kuwa wamepokea maelekezo ya Serikali ya kukabidhi nyumba za makazi kwa Wakala wa Majengo Tanzania kwa kuwa Dodoma sasa ni Makao Makuu ya Nchi.

Wakati huo Mkurugenzi Mkuu Wakala wa Majengo Tanzania Msanifu Majengo Elius Mwakalinga amesema kuwa kumekuwepo na tatizo kubwa la upatikanaji wa nyumba kwa watumishi wa umma hivyo nyumba 438 zitasaidia kupunguza changamoto ya upatikanaji wa nyumba hasa kwa watumishi wanaohamia Dodoma.

Amesema kuwa kwa Mkoa wa Dodoma Wakala wa majengo,Tanzania (TBA) ilikuwa na nyumba zaidi ya 400 ambazo zilikuwa kwenye maeneo ya Area D na Kisasa hivyo kwa nyumba hizo sasa watakuwa na jumla ya nyumba zaidi ya 800.

BODI YA KAMPUNI YA TTCL YAZINDULIWA RASMI

Waziri wa Ujenzi, Uchukuzi na Mawasiliano, Profesa Makame Mnyaa Mbarawa amezinduwa rasmi Bodi ya Kampuni ya Simu Tanzania (TTCL) na kuiomba ifanye kazi kuleta mabadiliko ndani ya kampuni hiyo. Alisema Serikali kwa vipindi tofauti imefanya juhudi kubwa za kuiwezesha kampuni hiyo hivyo kuwataka wajumbe wa bodi kutorudisha nyuma juhudi hizo.

Wakati wa uzinduzi huo amewataka wajumbe kutambua TTCL ipo kwenye sekta yenye ushindani mkubwa hivyo kutumia weledi na busara katika kuiongoza ili iweze kustahimili ushindani huo na kufanya vizuri kwenye soko la ushindani.

Alisema Serikali imeweka mazingira mazuri ya kiuwekezaji katika sekta ya mawasiliano jambo ambalo limevutia wawekezaji wengi eneo hilo, hivyo kuitaka kampuni ya TTCL kutumia fursa hiyo katika kujiendesha kimafanikio.

“…Usipo weka mazingira mazuri kwa wawekezaji sekta ya mawasiliano biashara haikui, tuliweka sheria nzuri na matokeo yake yameonekana…watumiaji wa intaneti walikuwa milioni 3 lakini leo watumiaji wanafikia milioni 17,” alisema Waziri Prof. Mbarawa.

Aidha aliongeza kuwa mafanikio hayo hayakuja bure kwani ni juhudi za Serikali hasa ilivyoamua kujenga Mkongo wa Taifa wa Mawasiliano na sera nzuri ya uwekezaji jambo ambalo limechochea kwa kiasi kikubwa mafanikio yanayoonekana hivi sasa.

Alisema ili kuinyanyua upya TTCL imefanya juhudi mbalimbali ikiwemo kuifutia madeni ya nyumba, kuikabidhi kusimamia na kuendesha Mkongo wa Taifa wa Mawasiliano na Kituo cha Kimataifa cha kuhifadhia kumbukumbu, IDC kwa niaba ya Serikali. Aliitaka TTCL kuboresaha huduma za mawasiliano kiujumla pamoja na kujikita zaidi katika utoaji huduma za intaneti (data).

Naye Katibu Mkuu wa Wizara ya Ujenzi, Uchukuzi na Mawasiliano, Dk. Mary Sassabo akizungumza aliwapongeza wajumbe hao kwa kuteuliwa na kuwashukuru kwa moyo wa uzalendo waliouonesha kukubali kwao kuiongoza kampuni ya TTCL na kusisitiza kuwa Serikali itaendelea kujenga mazingira yanayofaa kuziwezesha taasisi za umma na binafsi kufanya kazi zao vizuri na kiusalama ili kuliletea taifa maendeleo.

Alisema ili kuiwezesha Kampuni ya TTCL kufanyakazi zake kiufasaha na bila vikwazo Serikali iliamua kuondoa ubia wa umiliki kutoka kampuni ya Bhati Airtel na sasa Serikali inaimiliki TTCL kwa asilimia 100. Alisema kuelekea Tanzania ya viwanda kuna mahitaji makubwa ya huduma za mawasiliano kwani shughuli mbalimbali zinatekelezwa kupitia huduma za mitandao.

Kwa upande wake Mwenyekiti wa Bodi hiyo, Omari Nundu alimshukuru Rais Dkt John Pombe Magufuli kwa kumteua kuwa Mwenyekiti wa Bodi ya TTCL kwa kipindi cha miaka mitatu kuanzia tarehe 24 Februari 2017. Alisema tayari bodi yake imefanikiwa kuanzisha huduma ya TTCL PESA kama moja ya hatua muhimu kuhakikisha kuwa inasaidia kuvuka hatua zote muhimu hadi kuanza kutoa huduma hiyo.

Akizungumza awali Ofisa Mtendaji Mkuu wa TTCL, Waziri Kindamba alimshukuru Rais Dk. Magufuli na Waziri Prof. Mbarawa kwa kuteua Bodi yenye watu wenye sifa kem kem za Weledi, Uzalendo na uzoefu mkubwa katika Utumishi wa Umma, tunu ambazo zitaisaidia katika kufanikisha mipango mbalimbali ya kuifufua TTCL na kuirejeshea hadhi yake ya kuwa Mhimili Mkuu wa Mawasiliano nchini Tanzania.

WATUMISHI NA MZABUNI WALAMBA MAHABUSU

Serikali ya Mkoa wa Tabora imeagiza kukamatwa na kuwekwa ndani kwa watumishi wanne wa Halmashauri ya Wilaya ya Igunga na Mzabuni Muhoro Traders kwa tuhuma za udanganyifu wa ununuzi wa vifaa tiba vyenye thamani ya shilingi milioni 23.2.

Agizo hilo limetolewa leo mjini Igunga na Mkuu wa Mkoa wa Tabora Aggrey Mwanri katika taarifa yake kwa vyombo vya habari.

Amesema kuwa kwa nyakati tofauti za kuanzia Januari na Machi mwaka huu watumishi walikula njama na kujipatia fedha kwa njia ya udanganyifu jumla ya shilingi milioni 23,202.500.00 mali ya Halmashauri ya Wilaya ya Igunga.

Mwanri anaongeza kuwa watumishi hao waliagiza vifaa hivyo kutoka kwa Mzabuni Muhoro Traders wa Igunga vifaa , lakini havikuwahi kupokelewa na Halmashauri ya Igunga lakini kwenye vitabu vya Afisa Ugavi na yule wa Bohari walikiri kupokea katika vitabu vyao.

Anasema kuwa katika hati namba ya malipo namba 2071-1457 watuhumiwa walichukua shilingi 9,250,000/-, hati namba 2017-1457 walijipatia shilingi 6,850,000/- na hati ya malipo namba 2017-1453 shilingi 7,102,500/- na kusababishia Halmashauri hasara hiyo.

Mwanri amewataja walikamatwa ni pamoja na aliyewahi kwa Kaimu Mganga Mkuu wa Wilaya ya Igunga Godfrey Mgongo, Afisa Ugavi Mohamed Mtao, aliyekuwa Mhasibu wa Idara ya Afya sasa yuko TARURA Richard Byelembo na Boharia wa Idara ya Afya Jones Lotto.

Aidha Mkuu huyo wa Mkoa ameagiza pia Kaimu Mganga Mkuu wa Wilaya ya Igunga wa sasa Dkt. Bonaventura Kalumbete ili kupisha uchunguzi wa tuhuma hizo.

Katika hatua nyingine Mkuu wa Mkoa wa Tabora Mwanri amewaagiza kushughulikia tatizo la ukosefu wa dawa katika Zahanati kwa sababu tayari Halmashauri hiyo imepokea miliomi 550 kwa ajili ya kuboresha huduma za afya.

Page 1 of 159